هديه لزوجي

هلا حبيبتي
مثلا تقدرين تهدينه بوك أو عطر أو جزمه الله يكرمكم طبعا هذا الغالب والمتعارف عليه عند أكثر الزوجات وإذا فيه أفكار حلوه اتمنى البنات يفيدونا

لاب توب
اي بود
طقم مكتبي اذا كان له مكتب في عمله
عدة هندسه ان كان مهندس
نظارة شمسيه
كوبون من مكتبة جرير يروح يتنقى الكتب او الاغراض اللي تناسبه حسب القيمه اللي انتي محددتها
طقم بارفام مع كامل مجموعته
ديفي دي
جاكيت فخم دامنا بالبرد
قماش شتوي فخم للثوب مع شماغه او غترته ان امكن
خاتم فيه الماس طبعا فضه
بيجامه للنوم او روب
اغراض للحمام من والى وتكون خقق

هذا مافي جعبتي والله يهنيكم وعساكم تحتفلون بالذهبي بعد..

ودمتم بود

جوال او لاب توب او شي تعرفين انه هو خاطره فيه

موبايل فول أوبشن من نوكيا
قلم ماركة + بزمة + ساعة + ميدلية + عطر + نظاره شمسية من نفس الماركة ... مب شرط كل هذيل لو كم مجموعة تحسين تناسبه
شماغ + عقال + دشداشه + جزمه وإنتي بكرامه
قمصان وبناطلين سبورت للرحلات العائلية ... أو تكون جنتل للطلعات العادية إذا هو من النوع إللي يلبس بنطلون وقميص للطلعات
أو خصصي له ركن في زاوية البيت مثلاً إختاري الصالة وجنب التلفزيون حطيله شازلون أو الكرسي الهزاز أو إللي كرسي المساج مع طاوله صغيره علشان يحط عليها الشاي أو لابتوب أو أي شي يبغي وخليه متناسق مع طقم الجلوس لكنه مميز
وإن شاء الله البنات يفيدونج أكثر

اهدي له اسهمك اذا عندك اسهم علشان يطير من الفرح