خواتي الغاليات بسالكم عن أكلات سورية جفتهم في المسلسل

القشه اللي شفتيها بالمسلسل هي اكله الكرشات والفوارغ اذا بتعرفيها والبالوظه حلو معروف كتير واظن انه في وحدة كاتبه طريقتها بالمنتدى

عزيزتي روح جميرة أنا من الشام ويصراحة أنت اخترت أكلة صعبة بتحتاج شغل كتير حتى أنا لما زوجي بيقول لي جاي على بالي أكلة قشة بقول له روح قول لأمك والله مابقدر على شغلها بس لحا خبرك على القشة (الأشة بالعامية) كيف بتصير: وهي انك تروحي للحام وتجيبي كرشة الخاروف أو ما يسمى أمعاؤه وتنظفيها كتييييييييييييييرررررر منيح يعني بدك بالأول تمسحيها بالسكين حتى يروح الدهن والوسخ اللي عليها وطبعا وحدة وحدة(وشمي الروايح اللي بتطلع وريحة البيت‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍....)
بعدين تغسلينها منييييييح بالماء وكمان شوية من سائل الجلي وهكذا حتى تريها صارت بيضاء بعدين تحشيها بخلطة مكونة من رز غير مطبوخ ولحمة نية وكمون وبهار وممكن اضافة الحمص
وحشيها صعب شوية بس بتقدري تستعيني بحفارة القرع بحيث تدخلي أول القشة (فتحتها) على طرف الحفارة وبتكوني وزعت الخلطة على باقي الحفارة وبعدين بتبلشي تحشي وأنتي عم تقلبي القشة(يعني بتصير الجلدة الخارجية لبرى والداخلية لجوا)
وبعد الانتهاء من الحشي لا تربطي نهايتها فهي لوحدها ستسكر لاحقا على الغلي لكن في حال كانت القشة عريضة فممكن أنو تربطيها
وبعد ذلك تسلقيها كأنك عم تسلقي أي لحمة وممكن أنو تضعيها بطنجرة البخار
وبعد كل هذا العذاب والتعب بتاكليها وبكل سهووووووووووووولة .يعني هالأكلة هي بحتاج لشغل أكتر بكتيرررررر من أكلها وعلى كل صحتين وهنا
ونفس الشيء بتعملي للمعدة بس هذه حشيها أسهل وتخيطيها مثل أكلة الباسماشكات والباقي مثل السابق

أسفة على الاطالة

والله حق معك اصعب من شغلهم وتنظيفهم مافي بدهم نهار كامل شغل وعلى رايك بكفي ريحه البيت

مشكورين خواتي واااااااااااايد على الاجابه

ومشكوره أختي لوووول بس ما قلتيلي شو هي البالوظه وكيف يسوونها ؟

اختي البالوظة اكلة سورية متل المهلبية بس من فوق برتقال وبتلاقيها تحت بموضيعي
البالوظة اكلة شامية قديمة وبنصحك تعمليها واي استفسارتفضلي