مستشفى الوفاء بعنيزه

انا بصراحه ماعندي خلفيه عنه
لكن فيه ناس تمدح وناس تسب

الله اعلم يقولون زين واحسن شي فيه انه حريم مو زي مستشفى سعود يقولون بعض المرات رجال والله اعلم..
لكن اللي سمعته انهم مرة رافعين الاسعار<<خير!!!!

انا ودي اجرب اروح لهم متابعة لكن متردده...................

انا سمعت انه زين بس للي تكون ولادتها طبيعية وماتحتاج شي
او قيصيرية سهلة
اعرف وحده ولدت قيصري عندهم
وجاها نزيف تركوا بطنها مفتوح وطلبوا مساعدة من مستشفى سعود
ماعندهم خبرات كافية ولا امكانيات كبيرة

انا ودي اولد عندهم علشان بس المرافق وزوجي رافض علشان امكانياتهم مو كبيرة

الله يعافيكم ويجزاكم خييييييير

انا ولدت فيه طبيعي والحمدلله
وكنت اتابع مع الدكتور امال
والولاده مع الدكتور علا كانت هي المناوبه بالطوارئ
وماشفت شر ياربي لك الحمد