ولدي وصياحه وقت اللبس والتغيير ...مشورتكم يالامهات

السلام عليكم ورحمة الله وبركاته

الله يعينا ويعنكم على التربيه خاصة اللي عيالهم نحيسين نفس ولدي الله يهديه

المهم ولدي عمره سنه وشهرين وهالفتره صاير نحيس ماادري ليه الموهيم تخيلو كل مرة اذا وسخ حفاظه وجيت اغير له يسوي لي حرب ضروس يرمي نفسه على الارض او يرافس ويصارخ وصياح ونياح واذا بغير ملابسه نفس الوضع جربت انشد له او الاعبه او اشغله بشئ ماكو فايده كل مرة على هااحال وكل يوم ازيد من اللي قبله هو عموما طبعه صياح وفيه شقاوة بس كله يهون وهااللبس

اذا جا ابوه يلبسه يهدى شوي عاد ابوه يشتغل فيني انت ماتعرفين له انت قاسيه الصراحه تعب اعصابي هالولد الله يهديه

اللي عيالهم نفس ولدي عندكم طريقه جربتوها وجابت فايده