السلام عليكم ورحمة الله وبركاته
طبعا بأبدأ معكم بالموضوع
أختي الله يسعد قلبها طبعا (أنا وهي مرررررررررررررة مع بعض) الله لايغير علينا
السالفة ومافيها هي متزوجه واحد من برا العائلة
يعني فيه أشياء تختلف عنا
ومن هذه الأشياء طريقة تقديم الطعام أيا كان غداء عشاء فطور رمضان
حنا طبعنا نقدم الغداءأو العشاء أو الفطور لرجال والحريم مرة وحدة
يعني سفرة كاملة لرجال نفسها للحريم
هم لا
الرجال أول شي
بعدين الحريم يجون بعد الرجال بنفس المكان
يعني الرجال يأكلون لا خلصوا يقومون يجون الحريم مكانهم
الآن نجي لزبدة من السالفة هذي كلها
جت أختي عند أمي بالأجازة وصارت تطبق نظام أهل زوجها عند أمي
وأنا أقوله مو حلو كذا
يعني تخيلوا يابنات أحيانا يقومون الرجال ماباقي شي من الأكل مرررررررررررررررة
وصادف أني مرة جيت عندهم للعشاء وخلصوا الرجال جاء صحنهم فااااااااااااااااااضي
وأنا ميته جووووووووع وعيالها وعيالي وأمي ماأكلنا شي
طلعت وقلت لزوجي تعشيني أستغرب فقلت له على سالفة أختي قال والله لو دريت مامديت يدي ليه كذا
وأنا أكلم أختي وأقولها على ردة فعل زوجي يعني علشان تقتنع إن كذا خطا
وش قالت
توقعوا
قالت كل الناس مثل كذا إلا عيلتكم
أقول مستحيل كل الناس تقدر الرجال والحريم إلا انتم أهم شي عندكم الرجال
وجدال أنا وهي قلت خلاص الحكم بينا
حبيباتي حوائيات
قلت نشوف أكبر عدد
مثلنا ( الرجال والحريم مع بعض نضيفهم)
ومثلكم(الرجال بعدين الحريم)
عااااااااااااااد قالت رمضان مثل كذا قلت إذا رمضان مثل كذا أفطر بيتي أبرك لي
عاد أنتم كل وحدة تدخل تقول مين الصح
وكيف طبعكم
وعلى فكرة قالت أكتبي الموضوع وأقراه أنا بعد مايردون عليك
يعني راح تقرأ ردودكم
أنتظركم
:icon35:
سعاد الحبيبه @saaad_alhbybh
محررة برونزية
يلزم عليك تسجيل الدخول أولًا لكتابة تعليق.
جولنار11 :أكييد نقدم للرجال والحريم في نفس الوقت أمااا الرجال أول واحنا نستنى حضرتهم :16: بالعكس أهل زوجي يقدموا للرجال تمر ولبن وسمبوسة فقط .. والسفرة العامرة تكون بعد الصلاةأكييد نقدم للرجال والحريم في نفس الوقت أمااا الرجال أول واحنا نستنى حضرتهم :16: بالعكس أهل...
يسلموا على الرد
رقم 1
بشوف كم العدد
شغالة عداد
اللهم زد وبارك
رقم 1
بشوف كم العدد
شغالة عداد
اللهم زد وبارك
الرجال والحريم في نفس الوقت بسفره خاصه ومكان خاص لا يجتمعون في مكان واحد ليش الرجال تصوم والحريم فاطره
حنا عند اهلي نظااامنااا رجال اوول وبعدين الحرريم لكن فيييه صحوون للحررريم جديده والباقي وراء الرجاال يكملوون به السفررره هذا نظااام العشاء والغداء اما الفطوررر لااا الحريم لوحدهم والرجال لوحدهم
اوما اهل زووجي مثلكم حررريم والرجال بنفسس الوووقت
اوما اهل زووجي مثلكم حررريم والرجال بنفسس الوووقت
الصفحة الأخيرة
واحنا نستنى حضرتهم :16:
بالعكس أهل زوجي يقدموا للرجال تمر ولبن وسمبوسة فقط .. والسفرة العامرة تكون بعد الصلاة