اخواتي وحبيابي بنات حواء
امس صلحت عشاء لزوجي برجر للحم وسلطة وبطاطس وطريقة البرجر كانت من بنات افكري لاني كنت ابي اختصر الوقت على نفسي وفي نفس الوقت ابي شكل وطعم ولا في الخيال يالله خلني احمسكم باول صورة
ها وش رايكم
نجي اول شي للمقادير
بصل ابيض
طماطم
فصين ثوم
برجر لحم جاهز الماركة اللي تفضلينها واذا عندك وقت تصلحينها في البيت اطعم واحلى بس انا عشاني كنت مستعجله سويتها باللحم جاهز وخبز برجر
جبن سائل حوالي 4 ملاعق
قشطة الحجم الصغير
شرايح جبن كرفت
نبداء في الطريقة
نشوح البصل في شويت زيت على الصاج ونكون حريصا انو ما يذبل ولا يتفرق عن بعض يدوب ياخذ للون وطعم
نفس الطريقة مع الطماطم
نقلي اللحم في الصاج مع قليل من الزيت ونرصه فو البصل والطماطم
نخلط مكونات الصوص اللي راح نحطة على برجر وهي عبارة عن
4ملاعق جبن سائل
قشطة علبة صغيرة
فلفل اسود ملح
ربع كاس ماء
فص ونص ثوم
ونحطها على الصنية
وندخلها الفرن نخليها في الفرن لحد ما يثقل الصوص نطلع الصنيه نرص فوق كل للحم برجر جبن شرائح ونرجعهم الفرن بس يدوب يذوب الجبن نطلعهم
ربع زبدة مع نص فص ثوم على النار الى ان تسيح الزبد ندهن فيها خبز برجر من جوا ونحمصهم على صاج تيفال ونضغط عليهما ببرياكس عشان تحمص الوجه كلها وهكذا الا ينتهى المقدار
معليش ما صورة ها الخطوة
ندهن الخبز بقليل من الكاتشب ناخذ بالملعقة اللحم مع البصل والطماطم ونقلبهم على الخبز بحث يكون الحم تحت ومن فوقها البصل والطماطم ونحط خس وماوينيزنرص فوقها شرائح الجبن نحط الطبقة الاخيرة الخبز ندخلها المكرويف شوب بس لحد مايذوب الجبن وهذا الشكل النهائي
السلطة اللي معها هي سلطة الناخي اخذتها من هنا من المنتدى
وبطاطس ان شا الله يعجبكم الطبق والله الله بردور الزينه
والدعوات الحلوة
تسلمين على الفكره الحلوه شكله مشهي
وطريقتك جديده بجربه باذن الله
تسلم اناملك على هل اللجهد