مش قصدى مكتبش عنوان بس أصل الموضوع كبير

أنا مشكلتى مشكلة... أولا أنا عندى بنت عندها سنة و ثلاثة شهور...وزنها عادى بس أنا شايفة أنها مش بتاكل كويس... أولا هى بطلت تاكل زبادى أو جبنة مثلثات أو أى مصدر للكالسيوم بس بديها 5مم دواء كالسيوم يوميا... كمان مش بتاكل أى فاكهة غير التفاح... و مش بتشرب عصير نهائى... أما الخضار... الحاجة اللى ترضى تاكلها إنهارده ترفض تاكلها بكره... بس بتحب الأرز و المكرونة... و بتموت فى البسكويتات... عندها ثلاث سنات و فى ثلاثة آخرين شكلهم هيشقوا ... و طبعا تعبينها جدا و دايما عصبية أوى و تبكى من أقل شىء و أصبحت متعلقة بى بشدة فلا أستطيع أن أبتعد عنها أكتر من خطوتين...
المشكلة الأكبر :44: ... أنا حامل فى آخر الشهر السابع (و الله حمل غير مقصود نهائى) و صدرى مفيهوش لبن أصلا... أول ما عرفت أنى حامل دكتور الأطفال قال إديها لبن صناعى و افطمها... مع إن دكتور النساء قال رضعيها لغاية ما لبنك يروح... بما أنها كانت لا تستعمل الزجاجة فلما حاولت إرضاعها اللبن الصناعى بالزجاجة ... رفضتها... كانت بتشرب الميه من الكوب (Sip Cup)... قلت احطلها اللبن فى الكوب رفضت... اعمل ايه اعمل ايه!!! أنا بس كنت عايزاها تعرف طعمه يمكن يعجبها... بقيت اديها صدرى و من جنبه أديها اللبن بالقطارة (3 مم :06:) و افضل أشربها ال100 مم لبن بالطريقة دى... و لأنها تقبلت الطريقة دى... و لأن صدرى كده كده مفيهوش لبن... يعنى مفيش لبن فيه هرمونات حمل هتضرها و لا حاجة ... استمريت على ده الحال حتى وقتنا هذا...
أنا دلوقتى فاضلى شهرين و أولد إن شاء الله و حاسة إنى لازم أفطمها(أقصد عن صدرى)... بس هى غلبانة أوى و سنانها تعباهه و صعبانة علىٌ... جبتيلها زجاجة جديدة شربت منها الماء و رفضت اللبن... جبتيلها كوب بالماصة... شربت منه لما كان فيه ماء و رفضت لما حطيت اللبن... أنا ممكن أحاول ألهيها و أنسيها صدرى ... بس و بعدين... خلاص مش هتشرب أى لبن ولا أى مصادر كالسيوم؟؟؟... طب و كمان شهرين إن شاء الله ... هتعمل ايه لما تشوف البيبى الجديد بيرضع... مش عارفة أعمل ايه... أنا عارفة إنى غلطت كذا غلطة و آخرها إنى اتأخرت أوى فى إتخاذ القرار...
أنا محتاجة نصيحة نفسية و نصيحة تغذية ... بصراحة أنا محتاجة أى نصيحة... الموضوع فعلا شاغلنى و البنت فعلا تعبانة معايا...