شلونكم بنات شخباركم ..
.
بنات احبكم في الله والله يشهد شكبر غلاتكم عندي ..:32:
.
اليوم انا يابتلكم شي ..يخليييكم تطيرون لين الكويت .. وتمطخوووني مطخة (تبوسوني بوسة) ..:33:
والاهم ..
والاروع ..
انه طبيييييعيي .. وشي مستحيل تختلفون عليه ..او في شبهة ضرر ابد ابد ابد ..
ولاتنسوون انه شي سهلللل وما ياخذ من وقتكم الثمين (يا بزنس وومنات) اقل من 3 ثواني >>قوية 3 ثواني ..
.
المهم ..
.
اكيد كل وحدة ودها تصير ايدها زبدة الزبد ..
اكيد كل وحدة حابة تحط الوان الصبغ (مناكير ) على كيف كيفها .
ااكيد في مرة جيتي بتحطين صبغ واكتشفتي انه ..وعععع على ايدك الجلحة الملحة ..خخخ
.
لدينا الحل سيدتي >>لووول قلبتها دعاية ..
.
الحل يا بعد حيي .. انك تجيبين زيت جنين القمح .. وهذي صورته ..
طبعا كللللنا نعرف فووااايد زيت جنين القمح .. انا والله كنت شاريته حق شعري قالولي انه ممتاااااز .. ويسد الفاراغات ويكثر الشعر ..
ثم مرة لقيت انه هم فظييييع للهالات السودة قطيعة تقطعها ..
ثم سمع انه رووعة الرووعات ..للتجاعيد ..
ثم سمعت انه خطيييييير لتوريد حلماتنا السودة >>>خخخخ.. ويخليها وررررردية ..>>بس انا قلت لاااحقة بعد ماالاقي الصالة ان شا الله ..:arb:
..
تأملت في كل هذا وقررت ... قلت بما انه قدر يفتح الحمات السودة الخرعة .. فاكيييييد ومليوون اكيد انه راح يفتح ايدي الجلحة الملحة ..
يوم فتحت الغطا ..
وععععععع الريييح ..
يعني اهوا مو خايسة خايسة.. بس انا ما حبيته ..
وانا في دوامة تفكيري >>حلوة دوامة تفكيري هذي شلون جبتها ؟؟
وقع نظري على هالمزيون .. كريم فازلين الوردي للايدين
طبعا هذا شهادتي فيه مجرووحة ..
(مدري وش دخل عطر بودي شوب هنا ؟؟ بس يجنننن هذا بعد اشترووه بورد الجوري)
يجننننننن .. للايد ينعمها ويطريها ويخلييها زبببدة .. ويشيل تجاعيدها اللي حوالين المفاصل .. وغير جذي .. يطوول الاظااافر بشكل خبالي و يقوييهم .. والله ان بنت خالتي اظافرها ما تتعدى اصابعها .. وهشة وصفرة وشفافة ... استخدمته فترة تقووول سحررر .. اظافري اللي عمرهم ما طالو طاالو .. زصارو بييييض جني مسوية فرنش منكير ..
فخطرت لي فكرة الاخطااار ..:booo:
قمت وغمست صبعي الرشيق >>لوول
في الزيت شوي ..
وعصرت عصرة من كريم فازلين الوردي على قد ايدي ..
ثم خلطتهم بصبعي الرشيق مغيره هذاك اللي فوق .. ودهنت فيه ايدي ..
...
من بكره قمت الصبح .. وياااااا شين قومة الصبح .. وغسلت يدي ثم ..
وكانت المفاجأة ..
النعوووووومة شييي خيااال .. وصفاااء والله اول مرة تصير ايدي جذيييه على كثر ما ادهنها وهلى كثر ما البخها بهالخلطات .. ماصارت جذيييه ..
هذا غيييير الصفاء .. احس مفاصل ايدي ..
على قول رفيقتي الله يذكرها بالخير .. تسمي مفاصل اليد السودا (خواتم ديور ) هع هع هع ..
فتحت حيييل موو شوية .. وكل هذا من اول مرة ..
طبعا انا كملت .. وصارلي من هذاك اليوم الابيض .. اممم يمكن اسبوع ..
ايدي صااارت تلق لق .. وربيييي يشهد على كل كلمة اقوووووولها والله العظيم ..
طبعا بنات حطوها متى ما بغيتوا .. كل ما شفتيه نط بوجهك قومي ودهني .. انا طبعا ما خلطتهم ببعض .. قلت عشان استخدم الزيت لاغراض اخرى .. مثل اللستة التي تم ذكرها مع تأجيل البند الأخير كما سبق ذكر السبب ..
بس طبعا اكيييد لا بغيتي تطلعين .. قومي ودهني ايدياتك الحلوين باقوى كريم حماية عندك .. ثم البسي دسوس بيضا (إذا كانت عندك الجرأة الكاافية لووول) او سودة.. ثم اطلعي .. وتذكرو لاازم تلبسون دسوس (قفازات) .. عشان ربك وعفتك وسترك اولا .. ثم عشان ايدياتك ..
واتمنى اكوون افدتكم ..
احبكم ..
عشان مثل ما قالت مليونيرة مفلسة .. ما اظمن واحد من الهاكرز والمكراكرز يدخل ويشوف وينفتن ويمووت ..
وشكرا وبكرا ..