الله يخليكم ساعدوني.. مشكلة في اذني

مرحبا بنات.... كيفكم...

الله يبعدنا ويبعدكم عن الأمراض قولوا آمين..

أبخش بالموضوع على طول..

أنا عندي مشكلة بإذني وبعد ماعمل لي الدكتور أشعة مقطعية قال إن اللي فيك تسوس بالعظم (السوس ماكفاه إنه بخشتي جاي لإذني بعد)
المهم...
قال إن فيك تسوس بالعظم وثقب بالطبلة نتيجة إلتهاب مزمن بالإذن (ياساتر)..
ولا بعد يقول إن فيك لحمية..بالإذن مو بالخشم..

وطويل العمر (الدكتور) قال لازم عملية علشان نصلح الخرابات اللي باذنك هذي
:(:(:(:(

صحيح إن المستشفى حكومي لكني أخاف إن الدكتور يكون له نسبه من العملية
ولا ودي أروح لأي دكتور ماأعرفه لأني ماودي أكرر الأشعه المقطعيه لأني خوافه وأخاف يكون لها أضرار وحنا مو ناقصين

وأسئلتي (بعد قصتي اللي غطت على قصة بشار اللي يدور أمه) هي:

س1: فيه أحد منكم أو من قرايبكم لاقدر الله سوى العملية هذي؟؟ وين؟؟ وكيف وليش<<ماصارت...
أقصد نجحت وإلا لا ؟؟

س2: بمااني لست من سكان الرياض فودي أهل الرياض إذا ماعليكم كلافة تقولون لي أفضل مستشفى أو مستوصف أهلي أو حكومي يكون فيه دكتور اذن شاطر

س3: انصحوني وش أسوي؟؟؟

ودمتم سااااااااالمين وتسمعون زين مو مثلي.. الحمد لله على كل حال

بيضتكم..