بسم الله الرحمن الرحيم
بدون مقدمات..
الصورة المتكررة هنا في عالم حواء:
تجيك الوحدة طيراااااااااااااااان تكتب مشكلتها.. وتبكي وتولول وتجيك الردود بالمئات كحل ناجع!!! لهذه المشكلة..
طبعا هذا لو سلمنا بأنها مشكلة!
لأنها غالبا تكون مجرد: ف ض ف ض ة :angry:
ومصيبتنا من هذي الفضفضة!
يا شبابات :)
ليه الوحدة ما تمسك أعصابها وتعرف كيف تحفظ بيتها؟!
ليه الوحدة تجي بكل سذاجة وتكتب كل حرف يصير ببيتها ما باقي إلا الأسماء تتركب على السالفة؟
طبعا العناوين كلها: الحقوني أنقذوني ساعدوني
لكن... وآآآآه من لكن
لو لحقتيها.. بتصرخ بوجهك اتركيني!
وإذا حاولت تمسكين يدها تنقذينها.. قالت امسكي يدي برفق مع انها ممكن تغرق!
وإذا قلت بساعدك.. قالت خلي مساعدتك لك!!
طبعا الكلام اللي فوق مجازي وانتم افهموها!!
طيب يوم كنت ما تبغين الحلول جاية تكتبين مشكلتك ليه؟!!!!
جاية تفضفضين؟!
طيب فضفضي لكن فيه حدووووود!
أفضض ما يعني انه يجوز أغتاب!
وأطلع اللي في خاطري ما يعني اني أنا اللي على صواب!!
وأحكي اللي صار لي ما يعني اني أكذب وأزيد في السالفة أو أبالغ يمكن البنات يفزعون لي..
وأقول الموقف اللي صار قبل شوي ما يعني اني أحذف الفقرات اللي كان الخطأ فيها راكبني من راسي الى رجلي!
يا بنات أنا لاحظت وعلى مدى أكثر من 4 سنوات ان البنات هنا يستخفوووون كثيييير باللي يكتبون..
وشي ثاني خطييييييييييييييييييير دااااااااائما يقعون فيه بنات حواء..
تجي الوحدة تبكي من زوجها.. زوجي قال وزوجي فعل وزوجي خرج وزوجي دخل وزوجي وزوجي..
هي أخطأت خطأين أولها سبت زوجها واحتقرته وأحيانا تكون هي المخطئة ولا حفظت حرمة بيتها وأحيانا تتكلم عن غرفة النوم وهذا حرااااااااااااااام ومصيبة أكبر من مصيبتها اللي تحكيها مهما كانت
والخطا الثاني انها تحكي المشكلة على الملأ يعني كأنها في مجلس عام.. وما يحتاج أفصل في هالمسألة أكثر...
وغير كذا تجي ردود البنات.. طواااااااااااام
لاااااااااا هذا زوجك يحتاج وقفة حازمة منك لازم تأدبيه!!
والثانية:
يسوي لك كذا وساكتة؟!
وتجي الثالثة:
المفروض زوجك هذا ما تبقين عنده!!
والرابعة:
إلى هذي اللحظة ما طلبتي الطلاق؟!!!!!!
وتجي الخامسة تركض:
زوجك هذا المفروض ما تجلسين معه.. يختي شيلي عفشك وعلى بيت أهلك..
وإذا جت وحدة عاقلة تهديها وتنصحها..
يبدا الهجووووووووم:
ياعاقلتنا انتي ما تفهمي هذا الزوج ما ينفع معاه إلا القوة..:confused:
وتجي الثانية: لا لا الضعف مو حياة! لازم الوحدة تكون قوية الطيب يضيع..!!:confused-
والعاقلة المسكينة صارت تتقي هالضربات الي تجيها من كل جهة!!!
لييييييييييييييه؟
يعني انقلبت المسألة؟!
صارت اللي تخبب الزوجة على زوجها وتفسدها عليه هي الصح؟!
عارفين يا بنات انها ملعووووووووونة؟!!
أقسم بالله اني أحيانا أقرأ بعض مشاكل البنات وأحس الزوج يحتاج لنوع من حزم الزوجة معه خاصة إذا كان مقصر في حق الله لكن أمسك يدي لا أرد عليها لأني أخاف أخببها على زوجها وأدخل في اللعن!
يابنات المسألة خطيرة جدا جدا..
ومرات تجي الوحدة تشتكي مشكلتها مع أي شخص..
وما فيه وحدة ترد وتقول: شوفي أنا ما أقدر أحكم من خلال حكاية طرف واحد..
أو: قد يكون له عذر في كل شي قلتيه..
يابنات حتى القضاء لازم حضور الخصمين ولا يحكم القاضي إلا إذا أدلى كل واحد بحجته..
والدموع والبكاء ما يعني ان الطرف الثاني ظالم!
نسيتوا إخوة يوسف -عليه السلام-؟!
وحتى لو كان مظلوم يمكن الطرف الثاني طلع بخسائر أكبر من اللي جاينا يبكي!!
ما أبغا تجيني كل وحدة وتكتب جزاك الله خير والله أفدتينا.. وألقاها بعد دقيقة رايحة تنصح جيراني (في المواضيع طبعا) وتقول لصاحبة الموضوع: لالا لازم تذوقيه المر مثل ما كرهك في حياتك:mad:
كلامي هذا مو مجرد سواليف وانتهينا..
مو مجرد موضوع وكل وحدة تطلع ولا كأن قرأت شي!!
كلامي كتبته من قلبي..:(
لنرتقي بعالمنا..
لنمسك بأيدينا إلى الخير..
لنتعاون على البر وإصلاح بيوت المسلمين
محبتكن: دمعة :)