ابي احمل بعد الاربعين لكن متردده.. تعالوا اقولكم ليه

الحمل والإنجاب

السلام عليكم ورحمة الله

حوائيات .. من فتره كتبت لكم حكايتي الحزينه .. عن وفاة ولدي في بطني قبل موعد الولاده باسبوعين
طبعا ماتتخيلون كيف كانت حالتي النفسيه .. لان هالولد اتمناه من 17 سنه الله يتقبله القبول الحسن
ويرزقني وابوه شفاعته يوم القيامه .. ويحفظ لكم اجنتكم .. ومايوريكم فيهم مكروه اللهم آآآآمين

الان لسه ماخلصت الاربعين .. واحس نفسي ملهوفه اني اعيد التجربه واحمل .. وعند الله سبحانه
الخير الكثير .. عندي ثقه بالله .. انه بيعوضني عن ولدي

وغير كذا احس اني ماراح انسى حملي القديم الا بحمل جديد يلهيني ويشوقني

بتقولون طيب احملي وين المشكله ؟؟؟؟
مشكلتي اني مدرسه .. ومدرستي بهجره بوسط البر .. مشاوير سفر .. والحركه الاستثنائيه اللي ماملين
عليها ماراح تكون المباشره فيها الا السنه الجديده

مشوار طويل انتظر سنه كامله مااحمل فيها .. واخاف احمل ويصير لجنيني شي ..
ولدي كان سبب وفاته التواء الحبل السري ..صاير مثل سلك التلفون .. والتفافه مرتين حول رقبته
اخاف تكون مشاوير هالسفر اليوميه هي السبب ... صرت اوسوس .. ولاتلوموني

والان الاجازات كلها موقفه .. لااستثنائي يقبل ولا غيره .. بس اجازة الوضع الللي انا فيها الان

والله اني حايسه .. وتعبانه نفسيتي ..
انتم بايش تشيرون علي ؟
91
30K

يلزم عليك تسجيل الدخول أولًا لكتابة تعليق.

تسجيل دخول

سمو الأنوثه
سمو الأنوثه
الله يعوضك بالذريه الصالحه وجعل طفلك شفيع لك عند باب الجنه

ياحبيبتي احملي وتوكلي على ربك هو اللي يحفظك ويحفظ جنينك

الله كريم

وليش يمنعون الاجازات الله حسيبهم

توكلي على اللي ماتنام عينه هو الرازق الحافظ
الشيهانه001
الشيهانه001
الله يعظم اجرك ويخلف علي وعليك بخير
انا صار لي نفسك التف الحبل السري وماتت البنت لكن عندالله شفعاء يارب
وانتظرت سنه عشان احج الحمدالله وبعدين حملت والحين في التاسع والمويه ناقصه ومراجعات وحاله مايعلم فيها الا الله ادعي لي اولد طبيعي ويكون مولودي بخير
ويارب يعوضك بتوءم
ولا تنسين اللهم اجرني في مصيبتي واخلف لي بخير منها دائما ردديها
زوجي يحيى
زوجي يحيى
الله يعوضك ويعوضني ويصبر قلبك
ياختي توكلي على الله و احملي والله خير الحافظين

والحمد لله ولاحول ولاقوه ألابالله سبحانه
لولو ليوني
لولو ليوني
الله يعوضك خير ويرزقك ما تتمنين ويجعله شفيع لكم


مادري وش اقولك اذا ظروفك ما تسمح لك باجازه صعبه تغامرين بمشاوير طويله ومتعبه خصوصاً لو حملتي مباشره بعد الاربعين

بيكون جسمك لسى ما اخذ راحته كفايه عشان يتحمل حمل جديد و اجهاد وعمل ومشاوير سياره

الله يكون بعونك بس فكري واستخيري وادعي الله لايقدمني لشر ولا يأخرني لشر والخيره فيما اختاره الله
استيل
استيل
الله يعوضك بالذريه الصالحه وجعل طفلك شفيع لك عند باب الجنه ياحبيبتي احملي وتوكلي على ربك هو اللي يحفظك ويحفظ جنينك الله كريم وليش يمنعون الاجازات الله حسيبهم توكلي على اللي ماتنام عينه هو الرازق الحافظ
الله يعوضك بالذريه الصالحه وجعل طفلك شفيع لك عند باب الجنه ياحبيبتي احملي وتوكلي على ربك هو...
جزاك الله خير يالغلا
الاجازات موقفه بسبب نقص المعلمات بعد الغاء عقود البديلات .. ماصار فيه بديله تمسك
مكان المعلمه المجازه
الله يكون بالعون