تجربتي مع الاستغفار،،

السلام عليكم ورحمة الله وبركاته.

ببدأ على طول في الموضوع بدون اي مقدمات ... اخواتي كل وحدة تتمنى الحمل او اي أمنيه تتمناها في حياتها تكثر من الاستغفار مع اليقين والإيمان التام بان أمنيتها ستحقق وأكرر الاستغفااااااار والله العظيم انه تحقق لي كل امنياتي بفضل الله ثم بفضل الاستغفار ولكم تجاربي. اللتي بدأتها مع الاستغفار اول تجربة هي بعد مااستلمت وثيقتي من الجامعة كنت شايلة هم كأي وحدة تبدأ تقلق من المستقبل وشلت هم جلسة البيت وانه يبكون حالي مثل حال اللي ماكملت دراستها والشي اللي كان مخوفني تخصصي موب ذاك الاحتياج له يعني وقتها مدن المملكة كلها محتاجة كم وحدة يعني لما شفت الاحتياج جاني احباط انه كيف بتوظف وهذا العدد بس هو المطلوب لا وبعد منطقتي كان احتياجها على عدد الاصابع هذا أفقدني الأمل بالوظيفة لكن املي بالله كبير فبدأت رحلتي مع الاستغفار بيقين انه ربي رح يستجيب لي ،، والله ي بنات م جلست في البيت ترم بعد الجامعة الا و طلعت الأسماء كان اسمي من ضمنها وابد م وقفت الاستغفار مع فرحتي الكبيرة وتحقق حلمي اللي كنت أسعى له،،بعد ماطلع اسمي كنت شايلة هم وين بيكون ومع الاستغفار الحمدلله كانت المدرسة جنب البيت والكل يستغرب كيف جات لي كدا !!!
بعد م ضمنت الوظيفة اللي هي حلمي الاول بدأت كأي فتاه تفكر في مستقبلها الاجتماعي وانه فعلا حتى لو توظفت لابد من الوحدة تستقر وبدات أفكر في الزواج :laugh2: وكان في بالي شخص م ادري ليش حبيته بس شكله محظوظ :7_5_131: ههههههههه علما باني كنت كاتمة السر وم علمت احد أني أتمنى هذا الشخص فسبحان الله مع الاستغفار وربي م ادري الا أمي جايتني تقول فلان تقدم لك والله من الفرحة كنت ببكي لان قبله تقدم شخص وانا م ابيه ،،،، والحمدلله تم الزواج وانا اللحين في قمة السعادة معاه الله لا يحرمني منه ،،،
نجي للتجربة الثالثة مع الاستغفار ،،، طبعا م كنت افكر في الحمل اول سنة لكن لمن شفت زوجي مرا متعطش للبي بي ودايم يسألني هل أخذ مانع وإلا لا ،، طبعا أنا ما أخذت بس يمكن هو شك لان حملي تاخر حوالي نص سنة او قل بشوي ف من شهر بدأت استغفر بنية ان ربي يحقق أمنيته وأمنيتي بالحمل ،،، ف اللهم لك الحمد اللآن سويت التحليل وطلع إيجابي وبكمل رحلتي مع الاستغفار بنية ان ربي يتمم حملي على خير وان يحسّن خلقه وخلقته وان يجعله صالحا ،،،هذه تجاربي حبيت اذكرها لكم عشان تعرفون قيمة الاستغفار بشرط اليقين والإيمان في الإجابة من الله ،،