بعد ما تعديت 13 يوم بالعاشر واخيرا شفت نور عيني

السلاااااااااااااام عليكم ورحمة الله


هلااااااااااااااا بنوتاااااااات عالم حواء
اشحالكم عساكم بخير :26:

واخيرااااااااا بعد رحلة من التعب تسعة شهور .. ودخوولنا للعاشر :09: ولدت وبشوفة البيبي
يتنسى التعب ..


المهم بقولكم قصة ولادتي

صارلي 12 يوم بالعاشر
وانا يوميا اقرا قرآن والاذكار عسى اله يسهل علي واشوف نور عيوني
المهم من بداية العاشر وانا كل يومين اروح المستشفى اسوي تخطيط القلب للجنين
كل مرة تقولي النبض اوووكيه .. وعندج تقلصات ولادة بس الرحم مسكر بس يبون يحبسوني بالمستشفى من بدري.. اقوللهم لا انا رايحة ويوم بيجيني الالم بجيكم
اطلع وانا كذا :angry2:
عاد ما يبون شي الا يسوني عملية قيصرية
وكل يوم على ها الموال اخر مرة قلت لهم انا رايحة البيت وبجيكم بجهز اغراضي وبجيكم المغرب
والشردة .. اخر شي سويت التخطيط الصبح ورجعت سويته المغرب وكان الرحم بها اليوم مفتوح عندي سانتي .. وقبل لا اروح المستشفى تبخرت بكبو المريمية .. ورحت سويت التخطيط ومن بعد المستشفى رحت الحديقة ابي اتمشى كنت الفها مرتين واتعب شوي
بس بها اليوم لفيتهااااا لفة وحدة وكان رجولي اليمين كل خمس دقايق احس به متشلل
ولاني قادرة اتحرك اوقف ارتاح واكمل المشي وعلى هاااا الحال طلعت من الحديقة على البيت ارتاح
وما قدرت انام هذاك اليوم مب من الالم ولا شي لانه ما كان عندي الم
وعلى الساعة 7 الصبح حسيت بألم خفيف لكن من فترة لفترة يزيد الالم
خذيت ثنتين من خواني الساعة 11 المستشفى عسب التخطيط الا والدكتورة تقولي ما شي روحة للبيت الحين على طول بحولج قسم الولادة لانج على ولادة وان شاء الله العصر تولدين
انا ها المرة ما قدرت اقاوم ورضيت اني ادخل القسم ويتابعوا البيبي بالتخطيط لاني تعبت زيادة وزاد الالم
الا وخواتي وياي عاد ما خلوا حد ما اتصلوا فيه
الا وساعة اشوووف الاهل كلهم عندي بالستشفى خواتي امي وابوي وخالاتي وبنات خالي ومرت خالي
الغرفة زحمة وانا من كثر الزحمة ما قدرت اتنفس لين مااطردتهم الدكتورة بس دقيقة ويرجعون
ما كنت اتكلم ويا حد ولا كنت اصيح (ابكي)<<<<<<<< افكر بوقت الولادة .. واخزن طاقة :42:
مشغلة جدام راسي قرآن وادعي مع كل راحة من الم الطلق
دخلت القسم الساعة 12 ونص
جات الدكتورة الساعة 1ونص
وشافت وجهي قالت لازم يحضرون الام والاب ..<<<<<<<< تميت افكر قلت هاذي ناوية علي:(
وفعلا قالت على طول البنت متأخرة بالولادة صار لها 13 يوم ولازم ندخلها قيصري من سمعت ها الكلام الا وبديت ارتجف ونبض البيبي يخف ويخف والنيرس تقولي لا تنفسي تنفسي ولا تفكرين ويرد الوضع طبيعي .. عاد تسألها امي ليش قيصري .. عسب التأخر ما يصير قالت اخاف ماي الجنين اخضر قالت لها امي طلعي ماي الجينين وشوفي طلعته فكان الماي صافي وردت قالت نبض البيبي يخف وانا اخاف انه يكون في إلتفاف بالحبل السري .. طردوها ابوي وامي وقالوا لها بنتوكل على الله وبنصبر
البنت عندها آآآلام ولادة وان شاء الله يصير خير
والنبض يخف لانج تخوفينهم
اول ما طلعت الدكتورة تمت النيرس تكلم امي وتقول لها هاي الدكتورة جي طبعها ودايما تسوي هاا الحركة
والحمد الله انكم ما رضيتوا توقعون على عملية
وبين فترة وفترة يزيد الالم
وانا ازيد من قرآآآة سورة الزلزلة والادعية الساعة 4 قمت استفرغ والنيرس تقولي طبيعي يوم يفتح الرحم زيادة تجيج ها الحالة
الا والساعة 5 ونص ما قدرت اتحمل والتخطيط يزيد وست لي فحص داخلي الا والرحم مفتوح 10 سانتي ولله الحمد وعلى طول غرفة الولادة وانا مب قادرة احس شي بطلع مني كنت خايفة البيبي يطيح على الارض وبغرفة الولادة حدث ولا حرج
كنت ادعي الله يسهل علي وكل ما جاني الطلق كنت ادفع بكل قوتي
تقولي نشوف الراس بس ما يطلع عالق بنتصلب بالدكتورة .. من سمعت انهم بتصلون بالدكتوة
قلت لنفسي خلني ازيد من قوة دفعي لاني ما ابي قيصري لاااااااااااااا:(
وجات الدكتورة على طوووول فرحانة :42: ناوية على قيصري
وانا ادفع والدعاء والاستغفار ما راح عن بالي ولا التعب خلاني انسى وسوت لي جراحة الله لا يراويكم
شق كبير كله عشان رفضنا العملية الا وتطلع البنووووووتة واشوفها وهي طالعة والحبل السري ملتف على رقبتها وهو اللي ما سمح لها تطلع .. لانها كانت طبيعي تطلع بدون توسيعة
والحمد الله الله ستر
وكانت الجراحة اخس شي بالولادة
بس كانت المصيبة اللي خلتني اضايق انه يوم ولدت ولله الحمد تقولي الدكتورة لو جيتي امس ما كان افضل لك .. ليش ها كله عشان قيصري .. وطلعت من غرفة الولادة والاهل كلهم برع وكانت تتكلم بصوت مسموع ( مجرجريني من البيت بدون فايدة)
ردت بنت خالتي عليها ليش ها كله عشان الفلوووووس بس ما ردت الدكتورة


واللي تعلمته بالولاد انه الوحدة لازم تصبر ومب اي الم خفيف تطير على المستشفى
لان اليوم اللي كاتبه الله ينزل البيبي بنزل

الصراخ والبكاء وقت الالم يخفف من قوة الام ويجي وقت الدفع .. ما تقدر من التعب والقوة رايحة

هاي النقطة مهمة اجتماع الاهل كلهم وانتي بالقسم يخفف من وصول الاكسجين والضجيج يتعب فالافضل انه يكون وجود الام او الاخوة او الزوج بس

الدعاء والاستغفار وسماع القرآن يخفف من الالم ويسرع الولادة لله الحمد

التنفس الطبيعي وقت الطلق يساعد على تخفيف الالم

شرب ملء غطاء من ماء زمزم مقروؤ عليه ورشه على البطن


ان شاء الله افدتكم وهاي قصة ولادتي
نسيت اقوووول اني جبت بنوووووووتة