أه ه ه.. وجاءت الاجازه ويا ليتها لم تأتي!!!!

السلام عليكم جميعا ...:)
الناس تفرح اما تتخرج من الجامعة بس أنا أحاتي كثير ومتضايقة كثير لأنه بيبدا الكل أهلي وأهل زوجي ولي يخصه ولي ما يخصه يسأل السؤال المعتاد : ما صار حمل؟؟؟ عالأقل لما كنت أدرس الكل معطني عذر الدراسة بس الحين وأعتبارا من هالشهر خلصت دراسة وتخرجت...
وجيت أفضفض لكم ...:angry:
الحين صارلي سنتين من الزواج ولا صار حمل ولاشي .. فالبداية مو كثير اهتميت خاصة اني بهالسنتين أدرس بالجامعة وبتخرج هالشهر ان شاءاللة..عاد بديت أقلق لما شفت كل الي تزوجوا معي والي بعدي ماشاءالله تبارك الرحمن ولدوا وعيالهم مزينين عليهم حياتهم..
رحت للدكتورة وخبرتها عن حالتي وأنه الدورة كثير مضطربة عندي خاصة بعد الزواج ..احيانا يعدي شهر كامل بدون لاتشرف واحيانا تشرف في موعدها بس دم خفيف جدا حتى بكرامتكم ما يحتاج ألبس فوط ونادرا تجي بغزارة فضيعة لدرجة اني ممكن أخلص كيسة أولويزبالكامل في ستة أيام (تخيلوا-بس والله أفرح لما تجي قوية عالأقل أقول جت).... وهذا حالي من تزوجت مع أنه قبل الزواج كانت مو منتظمه بس مو هالقد زي الحين.. المهم عملتلي الدكنورة فحص دم: الهرمونات طبيعي والغدة طبيعي وهرمون الحليب طبيعي وكله أوكي.. وكمان عملت لي أشعة للمبايض وكنت أنا فعلا متوقعة عندي تكيس بس تفاجأت ما في تكيس والمبايض سليمة:icon28: ..
بعدها قالت لي الدكتورة يمكن السبب لاني أنا وزوجي مو دايما مع بعض بحكم شغله لأنه ما يجي الا نهاية الأسبوع..بس يا خواتي هذوله سنتين يعني لومو في شي كان عالأقل بيحصل حمل ...( مع العلم أته زوجي لسه ما عمل فحوصات) .. بس أنا متوقعه السبب مني لأنه مثل ما ذكرت الدورة حيل متلخبطة ونادرا ما أشوفها طبيعية ..
أنا الحين أفكر في شغلة التبويض... عندي سؤال و أتمنى الي عندها الشرح الوافي تخبرني وتعلمني ومنها الكل يستفيد...:(
سؤالي هو :
ما المقصود بضعف التبويض او عدم وجود تبويض؟؟؟ وما هي أعراضه؟؟ يعني مثل تأخر الدورة أو أعراض ثانية؟؟ و ما مدى تأثيره على حدوث الحمل؟؟؟ وهل ممكن يكون عندي ضعف اباضة وكيف يشخص؟؟؟
وجزاها الله خير الي تهون علي وترد علي وتدلني بمشورة :arb: ... طولت عليكم سمحولي بس من ضيقت صدري ما لقيت غيركم يجزاكم الله خير ويرزقكم الحمل السليم المعافى:26: