كلي ولهه السلام عليكم

بالنسبة للملفوف انت عاوزة الحشوة

رز +شبت + بقدونس + نعناع + ملح + فلفل + شوية زيت صغيرين يعنى 3 معالق


بصل _ طماطم ( انا بقشر الطماطم وابشرها )

افرومى البصل وحطى علية الملح والفلفل

اغسلى الرز وافرومى الخضرة وكلة على بعض

وبعد ما تسلقى الملفوف طبعا انت عارفة الباقى


ورق العنب نفس الطريقة بس من غير شبت

انا جيت اسلم بس علشان انا مش شاطرة قوي في المحاشي بس ان شاء الله الباقيات مش هيقصروا

الاخت سمر قالتلك عالطريقة أهي ...

طبعا بتفرق من واحدة لواحدة ....

يعني مثلا أنا أحب أحط بهارات كتييير( من اللي عند العطار ) و سنة بسيطة قرفة ساعات و محطش نعناع ,,,, والقوطة بعملها في الخلاط عالطول و البصل كتيييير

وعشان أقصر الطريق بحب أحط البصل مع السمن عالنار شوية واحط الخلطة يا دوب خمس دقايق عالنار قبل ما نحشي ...........

وبالنسبة للكرنب , بعد ما تسلقيه تقطعية حسب الحجم اللي تحبية ...

الحشوه انا استخدم 2كوب رز وعليهم شويه زيت كتار وشبت وبقدونس وكزبره مفرومين وملح وفلفل وشطه وتوابل مشكله (كتريهم عشان يدوا طعم )
وعلى النار افرم بصله واحمرها واحط عصير طماطم ولما يتسبك يتحط على الرز واخلطي الكل وهيا دي خلطه معتمده لجميع انواع المحاشي ورق عنب او ملفوف او كوسه او ممبار اي شيء وومكت تحطيها في الفريزر وتستخدميها وقت ماتحبي


الملفوف وورق العنب يتسلق في ماء مغلي فيه كمون ويتقطع وتحشي عادي
اسرار المحشي "
1- معلقه سمنه على وش الحله لما يقرب يستوي تدي طعم جنان
2-ورق العنب يجنن لمل ترشي عليه زيت زيتون واعصري ليمون يممممم يجنن
3-لو بتعملي محشي فلفل خدي فلفل رومي او الراس بتاعته بدل ما ترميها اقطعيها صغير اوي كانه مفروم وحطيها على خلطه الرز بتدي طعم جنان
جوعتوني وانا صايمه اتمنا اكون ساعدت

مشكورين مشكورين جميعا الله يجزاكم جنات النعيم ماقصرتوا