حبيت افيدكم بعلومة قالها لي عطار قديم عندنا عن الزيوت ....
انا متعوده اخذ زيوتي من اي محل او عطار
صدفه مرة وانا امشي بالسوق مريت عطار قديم عندا قليل امره ...قلت له ابي زيت خروع وزيت جرجير قالي اي نوع تبين ؟ استغربت وقلت ليش هو فيه انواع ؟ قالي اكيد والاصلي هو النوع الباكستاني اللي ما عليه رسمة حرمة لها شعر وزجاجته صغيره شوي
اما اي نوع ثاني يعتبر تقليد والاصلي اغلى من التقليد بس بربع دينار عندنا بالكويتي
بس ياخواتي شريت زيت الجرجير وحطيته على راسي وشسوى فيني؟؟ حااااااااااار حيل وانا متعوده على التقليد ما يسوي شي وحسبالي مثله
لما قلت للعطار انه حار قالي معروف زيت الجرجيرالاصلي لازم يخلط مع اي زيت ثاني وفعلا خلطته مع زيت الخروع وصار اخف من اول بس ريحته جرجير خاااااااااالص ونفاذه ريحته جدا تعبت يالله راحت الريحة مو مثل اللي كنت استخدمه اول
بس يا خواتي فعلا احس ان مفعول الزيت الباكستاني اسرع واقوى على الشعر
حبيت افييييدكم من هالمعلومة يمكن احد ما عنده خبر مثلي:42:
أم العيون @am_alaayon
عضوة نشيطة
يلزم عليك تسجيل الدخول أولًا لكتابة تعليق.
دلوعة زوجها
•
يسلمو111111عالنصيحة :27:
شكرا علي المعلومه بس شلون نعرفه لان كلهم يقولون هذا الاصلي ياليت لو تقدرين تحطين الصور عشان نعرف نميز بينهم جزاك الله خير:27:
الصفحة الأخيرة