سؤال محرج شوي ونبي من الكل يجاوب ....
اتمنى تشاركون كلكم ويا ويلها اللي بتمر على الموضوع ولا تشارك
ههههههههههههههههههههههok
------------------------------
لو مثلا انتي كنتي طفشااااانه ونايمه الظهر ويوم قمتي لقيتي
اهلك صاحين وجالسين يتغدوون جلستي معهم وانتي واصلة معك
ومقفله (اصلاً متى صرتي رايقه)
الا امك تناظرك وتضحك وانتي كل شوي تعدلين بشكلك تحسين
فيكي شي غلط ويوم خلص ابوك من الغداء وقام هو واخوانك
التفتت عليكي امك وقالت لك :مبرووووك يابنيتي..!!!
انتي : مبروووك على ايش
امك : اليوم كلمتني حرمه تبيك
طبعا راح تتغير ملامح وجهك ويروح الطفش ويصير وجهك
مايحتاجبشوش لانك بتاخذين تمساح وهذي امنيتك بس بتستحين من امك
وبتخلين وجهك خجول وبتقولين
انتي : وش تبي الحرمة (انواع الاستهبال!!! )
امك : تبيك تكنسين حوشهم وش تبي يعني ..
انتي : يعني تبي تخطبني (مقطعتها البرائه والطفولة وزين ما تبكين
.... طبعا من الفرح) لكن توضحين لأمك انك ما تبين بحجة أنك ثقيلة وما تبغي تسيبيهم...
امك : ايه وش قلتي
انتي : ماابغى اتزوج
امك : طيب برسله لبنت خالك ..
انتي : ياحليلك يا أمي تراني امزح على طول تصدقين
المهم بعد يومين دقت ام العريس
ام العريس : الووووو (متحمسة) وولدها جنبها...
امك : الوووووو
ام العريس : وشلونكم
امك : طيبين
ام العريس : وش قلتوااااااا
امك : موافقين
ام العريس : اجل ترى يوم الخميس بيجي ولدنا يشوووف بنتكم
امك : هذي الساعة المباركه
المهم خلصوووووو وانتي بدا قلبك يدق ويدق اليوم الاثنين ويوم الخميس قريب .
****************
سؤااااااااالي هنا ابغى اعرف وش بتسوين من يوم الاثنين للخميس
ويوم الخميس بالذااااات وش بتسوووووين ؟؟؟؟؟؟؟