زوجي ماعنده مسؤوليه تعبت منه

سلام يابنات انا جديده بينكم واتمنى القى المشوره النافعه لي
انا مقهوره من زوجي مره يحبني واحبه بس هو انسان ماعنده مسؤوليه ابددددددد مايفكر في بكره لا تأمين بيت ولا حساب لي وعياله ولاشىء عايش يومه بيومه كم نصحت وكم فهمت مافيه مافايده متزوجين 10 سنين حتى سياره ماعنده راتبه فوق 13 الف واحنا ماعايشين على قد راتبه مره عيالي من الشتاء اللي راح ملابسه وهو مايقصر في مصروف البيت مااظلمه بس مايجدد شىء في البيت على حاله الشىء اللي يغيره يطلع علي بالعنا والله
وكمان اللي قاهرني هو مايقصر على اهله بشىء مطلع لاهله بيت من زمان واحنا في شقه قديمه وحتى الجوال اخاذه من اهلي :44:
نصف الشهر يقول ماعندي شىء وهو صدق يصرف الفلوس بدون فايده مااظلمه هو مو حق خراب بس برضوه ماادري وين تروح فلوسه اوهو مايبغى يعطنيني انا وعياله الله العالم بدات اشك في حبه لي ولعياله لما افتح الموضوع يقول مااعرف اجمع مره احتارت يابنات ضاقت علي الدنيا ليه كذا وين العدل والا علشانه انا طيبه وساكته ياكل حقي
ساعدوني بالمشوره يابنات