تزوجها وعمرها فوق الخمسين

السلام عليكم


هذي قصه طريفه لوحده نعرفها تعيش في هجرة وتعرفون الهجر صغيره وأهلها يعرفون بعض ويخالطون بعض



اللي حصل إنها كانت جميلة وأبوها رجال معروف حبها واحد من أهل الهجرة وتقدم لها وما حصل نصيب يمكن أهلها كان لهم دور في هالشيء وماكانوا يتصورون قدر حبه لها وإنها تبادله الشعور نفسه


مرت الايام تزوج هو وتزوجت هي وراح كل واحد في حياته وخلفوا العيال والبنات
بس هو ما استمر مع زوجته كثير وحصل الطلاق ومرت الأيام وكبروا عياله وبناته وبعضهم ترزوج وخلف والحب المتخفي باقي !!!!
وهي تزوجت وعاشت حياة مستقرة مع زوجها وخلفت منه

هي توفي زوجها في حادث وكان عمرها وقتها فوق الخمسين وبعض عيالها متزوجين ما أمداها خلصت الحداد تقدم لها يخطب وتزوجته بالفعل وكانوا عيالها متقبلين الفكرة .
عاد يقولون إنه تغير وتحسن صحته وأموره حتى كأنهم عرسان مع إن عمره 65 سنة




طبعا أن دايم أذكر هالقصه للي تقول الحب يموت أو إن المرأة إذا تزوجت اللي ما تحبه ما تقدر تعيش معه هذي هي تزوجت وخلفت من أنها كانت تحب
بس مشكلة الحضارة غرست في عقولنا إن الحب بين طرفين اثنين ما يعوض ولا يمكن الرجل يتزوج أكثر من حرمه ويحبهم كلهم أو المرأة تتزوج أكثر من مره وتحب ازواجها كلهم بس الحب يتفاوت طبعا
عشان كذا نشوف الوحده إذا تطلقت من اللي تحبه تموت حسره ولا تحاول تجرب حب جديد ممكن يكون أجمل من السابق
نقطع عمرنا حزن على فرص ضاعت ممكن نلقى أجمل منها


: )