الزوجات الأوليات حياكم نكمل سواليفنا

ابدا بنفسي واقول بسم الله الرحمن الرحيم
انا متزوجه من17 سنه تزوجت زوجي بعد قصة حب وللأسف كانت زائفه لآنه بعد الزواج بشهر واحد تغير كثير وصار بس يحطم فيني وطول الوقت يتأفف واكتشفت غروره الغير معقول وثقته العمياء في نفسه وانا كنت بس اركض وراه ابغى ارضيه ونسيت نفسي وهو تفرعن زياده
كانت حياتنا غريبه بين شد وجذب وجبيت عيالي اربعة اولاد وبنت الله يخليهم ويصلحهم
من مايقارب 9 سنوات بدأ التغير الكبير على زوجي مكالمات ومواعيد ووو المهم صارت تحصل خلافات وانا اعرف زوجي ارعن التزمت الصمت وهذا أكبر خطأ ارتكبته لأنه تمادى بعد فتره تزوج مسيار وقال لي وسكت واستمر معها سنه وطلقها وقبل خمس سنوات تزوج زواجه الثاني وكان معلن والكل عرف وطبعآ قبل الزواج كانت المكالمات والمواعيد والهدايا وانا احترق بصمت المهم كان يقول لي قبل زواجه انا حاس ان الانسانه هذي هي اللي راح تفهمني وتحن علي وتريحني مو مثلك الموقصود حضرتي طبعآ وانا والله مظلومه بس الشكوى لله قبل زواجه بفتره قصيره صار متوتر ومتنرفز وصار الوضع كأني انا اللي راح اتزوج عليه ويقول لازم تساعديني وتوقفين جنبي وتضحين علشاني بلا حدود وللأسف كنت انفذ اللي يقوله علشان اكسبه وهو يدوس علي اكثر
المهم تزوج الثانيه واقسم بالله كانت اكبر مني بعشر سنوات وفرق كبير بيني وبينها ومن تزوج هجرني بالفراش هذا أول شي ثم بدأ مسلسل التحطيم بأنه هي احلى ووو طيبه وانت خبيثه طبعا انا الخبيثه والله كلمته هذي احرقتني رديت عليه وقلت اذا انا خبيثه ليه عايش معي قوم الحين وطلقني قام وطلع واسبوعين لاحس ولاخبر رغم ان بيته الثاني جنب بيتي ونسيت اقول لكم انه سحب فلوس المهر من حسابي والبيت اللي كان ساكن فيه لي
المهم بعد اسبوعين رجع ولاكأن شي حصل صرت اتجنب افتح معه اي موضوع او اصطدم فيه وطول الوقت يطلع معها ويروح ويسافر وانا مع عيالي وبالتدريج خفت روحاته للبيت الثاني وبأ يتململ منها ويسب فيها وانا والله كنت ارحمها لأني عارف وش بيكون مصيرها وصار يخليها عند اهلها بالشهور وفي الأخير طلقها
بعد ماطلقها رجعنا لسالفة المكالمات وصارت خلافات كثيره وحصل بيني وبينه الطلاق وبكى وندم وقال انا ماقدر استغني عنك ووو
المهم قبل كم شهر تزوج مسيار وتعالوا شوفوا الحال يغيب باليومين والثالثه ولاسؤال ولاكلام وانا اذا اتصلت هزأني واذا ماتصلت هزأني واذا دخل للبيت تكون نفسه شينه وبس يهاوش والله بدون سبب وانا احيانآ غصب عني اضحك عملا بالمثل القائل شر البلية مايضحك بس تصدقون انا ماتغيرت معه خارجيا بس من داخلي عقدت صلح مع نفسي وقلت لازم اقتنع ان حياتي باذن الله لازم تستمر علشان عيالي حرام يدفعون ثمن اخطائنا والتجأت لله بالدعاء ان الله ينزع حبه من قلبي ويخفف عني ولايجعله اكبر همي والحمدلله ربي استجاب لي يعني من داخلي لو راح مأزعل أو اتضايق بالعكس احس بالراحه واعتبرها ايام اجازه ولما يجي للبيت احسسه انه هو سي السيد وله الأحترام والتقدير بس لو راح ماأدوره
نسيت اقولكم سبب زواجه يقول يبي يستمتع بحياته وش هالمتعه مادري
وموقف اهلها بس امه وحده من أخواته كانوا معه اما الباقين لا
اما اهلي كان موقفهم قوي وقفت انا بينهم وبينه وتصدقون واحد من أخواني مقاطعه ولايطيق سيرته وانا والله يحز في نفسي مهما كان هذا ابو عيالي اذا هو اساء انا لا
واتمثل بقوله تعالى( وادفع بالتي هي أحسن فأذا الذي بينك وبينه عداوه كأنه ولي حميم)
اتمنى اكون قلت قصتي كامله

يالله عاد ردوا وسولفوا وقولوا قصصكم والا ترى معاد تشوفون وجهي بها المنتدى واطقها زعل ولاعاد في قصص

وينكم حرام عليكم الموضوع بيرحل للصفحه الثانيه ولا رد وحد يجبر خاطري

الله يكون في عونك أختي ويعوضك خير في عيالك

اختي هذاك اول قصتك قريبة من قصتي
انا متزوجة من 13 سنة , وزوجي كان مطلق وعنده ولد

زوجي يحب التعدد لدرجة اني اول اسبوع زواج يسالني ايش رايك في التعدد

بعد سنتين تزوج و زعلت عند اهلى وبعد شهر طلقها

ثم اصبح يسافر الى اح البلاد العربية بحجة العمل

وفي يوم اكتشفت انه متزوج في هذه البلدة ولما صارحته قالي يعجبك والا طقي براسك الجدار

طبعا انا لم اخبر احد من اهلي , لان امي توفت وابوي متوفي

والزواج كان مسيار


بعد فترة طلقها


ثم اكتشفت , طبعا عن طريق الجوال انه مملك على وحدة من نفس الجنسية الاولى

وصارحته في الموضوع صار مشاكل

المهم المرة كان يبغاها مسيار فرفضت وطلقها

ثم تزوج مسيار ولما طلبت ليلة طلقها

والان هو متزوج مسيار ولا احد يعلم بالزواجات السابقة

لكن الزواج الاخير علمت احد اخواني فقط حتى يتم التفاهم معه لاني تعبت من زواجاته

طبعا كنت مظهرة له اني لم اوافق على الزواج وكان هو مصر على رايه انه ما فعل شي حرام

فاتفقت انا واخي ان نشرط عليه انها تظل مسيار ولا احد يدري , مدام انه تزوج المسيار اهون من ان تكون لها ليلة

وهو يقول انها اذا طلبت ليلة راح اطلقها مثل اللي قبلها وانه يتزوج للمتعة والتغيير فقط وان ما ناقصني شي

طبعا انا البيت دافعة فيه النصف , ومكتوب باسمي انا وياه

وادفع انا وياه تقسيط البيت واشتري اشياء للبيت كالاثاث وغيره

المهم دايم تصير مشاكل بيني وبينه بسبب الزواج, بسبب الغيرة

وتجي فترات اطنش واحس براحة بس ارجع للغيرة والهم بسبب الزواج

من اسبوع اخبرني انه طلقها وفرحت مع اني لم اطلب طلاقها

بس صارت تتصل عليه اربع وعشرين ساعة وترسل رسايل تبغى ترجع

وهو يقول انه لم يرجعها لانها ازعجته تبي ليلة وهو ما عنده فلوس وصارحني انه ما عجبته في تلك الامور........... وان زواجه منها فاشل , وهي طلبت منه ان يدفع المؤخر

المهم امس اخبرني انه سوف يسافر يومين لعمل

وانامتاكدة انه رجعها لانها ترسله رسايل حب وغرام , بس هو ينكر وهذه عادته الانكار , بس استنتجت انه يمكن ضغطت عليه بدفع المؤخر وهو ما عنده, لانه كان مصر انه خلاص طفش

منها


يعني رايح يتمشى معاها وانا قاعده ادرس عيالي والله ما درى ان عليهم امتحانات

هذه قصتي تصلح تكون مسلسل من الف حلقة

طولت عليكم