مهرى 25الف وتعبت وعرسى بجده؟؟؟

سلام للجميع بنات حواء والله ماأدرى كيف ابدأ الموضوع
أنا بصراحه مهرى خمسه وعشرين الف ...وتعبت مما أدرى وش اشترى وش اخلى :09:
يابنات اتمنى انكم تساعدونى اللى مهرها مثلى أو اقل كيف اتصرفت فيه ؟؟؟؟؟

أنا مو مشكلتى التجهيزات الحمد لله اعرف كل شىء عن تجهيز العروس من الألف الى الياء ودائمآ اقرأ عن مواضيع التجهيز فى عالم حواء واقدر اجهز لثلاث عرائس بوقت واحد:22:

بس مشكلتى الفلوس

بنات انا بالشمال السعوديه ولاازم اسافر الرياضعلشان اجهز( لأننا ابد ماعندنا اسواق زينه ) وما ادرى وش المحلات الرخيصه الزينه بالرياض؟؟؟؟
فى ناس يقولون ستى بلاز وفى ناس يقولون ستى ماكس احسن وملابسه ارقى وفى ناس يقولون الهرم :( تعبت وماعندى احد يعلمنى انا اكبر اخواتى

بنات ساعدونى الله يساعدكم ويوفقك يارب والله شوى وابكى اهىء اهىء تعبت تعبت وامى كل ما اشكى لها تقول لى احسن انتى الى طلبتى هذا المهر وافقتى عليه :(

فكرت ما اشترى من نعومى لأنه غالى بس والله نفسى فيه وماأدرى فستاتين العرس الجاهزه بالرياض رخيصه وين المحلات الرخيصه ؟؟؟
وقلت اشترىبس عطرين سينما ونمبر 5 وعطر لزوجى ها ايش رايكم ؟؟؟وقررت ما اشترى بخور وعود اشترى فواحات وزيوت عطريه افضل ؟؟اما المكياج قررت اشترى اشياء بسيطه تكفى شهر بس ساعدونى ما اعرف الماركات الزينه والرخيصه والملابس الداخليه كم اشترى قطعه عشره يكفى ؟؟؟وقررت اشترى جزمتين وشنطتين بس هل يكفى (طبعا تقليد ماركه )

والله يابنات كل يوم احسبها بالورقه والقلم واحس مانى قادره رغم انى تنازلت عن اشياء كثيره ماراح اشترى كريمات من بودى شوب لأنها غاليه راح اشترى زبده الكاكاو وصابون غار ها صح كذا او لا ؟؟
وابى اشترى جهاز ساونا ياترى ينفع ما ابى اتعرى بالصالونات غير انى لازام اخلى فلوس للصبغ الشعر والقص والتقشير ؟؟؟


ساعدونى اللى مهرها مثلى كيف جهزت :(

بنات فى مشكله ثانيه

انا من سكان الشمال والعرس راح يكون بجده والله انى متحطمه مااعرف شىء عن الصالونات الزينه علشان المكياج والتسريحه والتصوير :09:
اصلا زوجى ماعنده اخوات بس عنده بنات عمه بس ما اقدراسألهم لأنه طلق بنت عمه علشانى بينا وبينهم مشاكل :(

نفسى لما اروح جده اكون حاجزه ومظبطه امورى ساعدونى يابنات جده ابى صالون زين وورخيص انا حاطه للمكياج والتسريحه والتصوير خمسه ألاف يكفى يابنات ؟؟

بعدين انا ذوقى بالمكياج ما احب المكياج الثقيل اللى الوان متداخله احب مثلآ لونين بس الأزرق بدرجاته والوردى بدرجاته احب المكياج الأروربى اللى يكون رايقومتعوب عليه ويبن بسيط
والتسريحه احبها تكون بسيطه يعنى مثلآ اللى يكون الشعر شوى مرفوع ومموج ما أدرى تليق على انا شعرى طويل بس خفيف

بعدين انا بيضاء ولله الحمد فى بنات يقولون حطى كريم برونزى تطلعين حلوه ماأردى ماحتاره ؟؟

واللى للبس عدسات يوم عرسها عادى متضاقت منها اخذ راحتها؟؟؟؟؟

اسفه بنات طولت عليكم .......:26: