موضوعي اليوم حصري وما اظن ان احد تطرق له في المنتديات<><تسمع بالحصري:hahaha:
لانه مكون من شقين شق استرجاع الذكريات والشق الثاني استبيان يوسع الصدر.. اقروه بأخر الموضوع
الحاصل يالغاليات اننا كلنا كان لنا ذكريات جميلة اياااام الطفولة واللعب مع بنات الجيران والهوشات والدجة..:22:
من فيكم تتذكر حارتنا وشارعنا القديم
من فيكم تتمنى ترجع ذيك الايام
من فيكم اللي الى اليوم تروح تزور حارتها القديمة وهل هي باقية مثل ماكانت وماتغيرت..؟؟
تذكرون حارتنا اللي كنا مسوين فيها اكشن ومسوينها مستعمرة وياويل اللي يوطوط فيها
تذكرون بنات الجيران والشلة يوم نلعب ونسفهل وننشد بذيك الاناشيد اللي ما ادري وش تبي
(فتاحية ورد)(وفلسطين بلادنا واليهود كلابنا)خاشين جو بقضايانا..(وانا وياك يابسمة)
( ومسيكم بالخير يالعمال العمالية)<<الى الان مافهمت هالانشودة
ويوم متطاقين ومتمازعين الشّوش ونسوي احزاب وعصابات وآخر اليوم نسوي فيها اخلاااااق
ونتصاحب ويجي عاد لوي الاصابع مع بعض ولا كأننا سوينا شي
تذكرون لما نسوي عزايم مع بعض ونروح نقضي من البقالة بيبسي قوارير ومارس وتك تاك:hahaha:...وفشفاش ثم نحطها بصحون وننادي بنات الجيران وبس هذي كل العزيمة
تذكرون يوم نصف العابنا بالشارع ونلعب( دور)ثم يجون العيال ويخربون علينا وحنا انواع الصياح وهم يضحكون علينا
تذكرون لما نلعب خطة ونجلس بالساعات تقولين اولمبياد واللي تفوز من قدها كل بنات الحارة يخاوونها
تذكرون لعبة بر بحر...ولعبة ممكن...ولعبة غميمة...ولعبة شد الحبل..ولعبة تليفون خربان تخخخخ
تذكرون لما يجي شخص غريب للحارة
كل الحارة يسوون استنفار وتحقيق وتهديد لحد مايخاف ويهج ولاعاد يرجعتذكرون لما نشتري لبس جديد ولا جزمة جديدة نروح نفرج بعض وحنا مبسوطين اننا لنا السبق بالشراء..وثاني يوم الحارة كلهم مطقّمين معنا تخخخخ
تذكرون لما يجي العيد نطلع للشارع ونلعب فراقيع ونعايد بعض بالحلويات اللي شروها اهلنا..وكل وحدة شنطتها مليانة شوكولاته ماكنتوش وحلاوة بقر
تذكرون لما نرجع للبيت ومانصدق نتعشى ثم ننام وحنا نتعشى كله من الاجرام اللي مسوينه طوووول اليوم
تذكرون لما كانت الحارة كلهم قلب واحد واذ صار للواحد مشكله كل الحارة تكاتفو ووقفو معه وساعدوه وكنا حنا يالصغار همزت وصل بين اهالينا
والشي الاهم اللي خلاني اكتب الموضوع
هو حنيني لحارتي واهل حارتي اللي كانو لنا مثل الاهل..
اسأل الله ان يجمعنا بهم في جناته
والسؤال لكم يالحبايب
اش اسم حارتكم القديمة..؟؟؟؟؟؟؟
وايش اسم الشارع...؟؟؟؟؟؟؟
ياليت كل وحدة تدخل الموضوع تجاوب على هالسؤالين
يمكن تحصلين في منتدانا بنات جيرانكم ولا بنات حارتكم اللي كنتو عايشين فيها
بأبتدي انا اولا
المدينة / الرياض
الحي / الملز
الشارع / شارع الاميرة صيته
ياليت القى بنات جيراناااااا اللي قضيت معهم اجمل ايام طفولتي
يالله لاحد يطلع الا بعد ما تجاوبون على الاسئلة ولا ماعاد اكتب لكم مواضيع<<فكينا واللي يرحم جدتس من مواضيعتس
اما احنا مانقر ببيت كل سنه واحنا بحي
هههههههههه