اخواتى العزيزات
مشوار طويل
am azoz mam
العيمانية
rosse
ام سجا
سماح 2008
youo_67
om waled
siren
lovley 22

اشكركم

شوفى يا ام سجا

انا اشتغلت الاول حوالى 50 غرزة سلسلة للبداية وطلعت السطر الاول كله عواميد بس اشتغلت بإبرة اصغر نمرتين من اللى حاعمل بيها الجيليه
السطر التانى اشتغلت عمود امامى ثم عمود خلفى بالتتالى حتى اخر السطر
وكمان السطر التالت والرابع العمود الامامى اشتغلته امامى والخلفى خلفى
بكده اتكون الكوت بتاع الجيليه
بابرة كبيرة رقم 3ونصف اشتغلت السطر الخامس كما يلى
3سلسلة لبداية السطر
نترك عمود ونشتغل عمود فى الذى يليه
نرجع على الغرزة المتروكه ونشتغل فيها عمود
اصبح لدينا عمودين على شكل X نترك عمود ونشتغل عمود فى الذى يليه ونرجع تانى للمتروك ونشتغل عمود يتكون حرف X اخر وهكذا حتى اخر السطر نشتغل اخر غرزة عمود
السطر السادس
3 سلسلة لبدايه السطر ثم عمود فى كل عمود
ونكرر السطرين دول الى ان نصل للحردات
نعمل حردة الباط وانا هنا نقصت اول مرة 3 غرز ثم غرزتين ثم غرزة
ونكمل لغايه حردة الرقبة
كده ده الخلف
والامام مثله بالظبط بس حددت مكان فتحة الرقبة وقسمت الصدر نصفين ونقصت كل سطرين غرزة
علشان تاخذ شكل ال V

وبعد تقفيل الاكتاف شبكت الخيط فى بدايه فتحة الرقبة الامامية واشتغلت سطر عواميد وسطرين غرزة امامى وغرزة خلفى
ثم قفلت الاجناب
واشتغلت حول فتحة الكم مثل ما اشتتغلت فى حردة الرقبة
ارجو ان اكون وضحت الفكرة
واى استفسار انا تحت امرك

الجيلية ما شاء الله طالع تحفة بجد تسلم ايديكي
شغلة نظيف جداااااااااااا ومضبوط
وعقبال ما تعملي لـ محمد واحمد وفي انتظار الجديد من اعمالك يا قمر

شغل جميل بالفعل

تسلم ايدك