والله العظيم يا صاحبة الموضوع كأنك تتكلمي عني وكله بسبب مشاكل الوالد الله يرحمه والوالدة الله يطول بعمرها على طاعته ويرزقني برها ، تربيت زيك في بيت مايعرف الإستقرار مشاكل وعصبية وصراخ ما يتعاملون أمي وأبويه معانا إلا بالصراخ والضرب ودائم الوالد معتزل الوالدة وينام بالمجالس تحت كل هالشي اثر على حياتي الزوجية لكن أنا الحمد لله لاأفتعل المشاكل ولكن أي مشكلة تحدث أتعامل معها بعصبية وتربيته لبناني تعتمد على الصراخ بنفس الطريقة اللي تربيت فيها ، لكن الان أحاول جاهدة إني أهدي نفسي وأتغافل عن بعض الأمور وأستغفر كثير وأسأل الله تعالى أن يعينني ويعينك 

لا اله الا الله  كأني أنا اللي تتكلم...
تعبت تعبت تعبت من عصبيتي اتنرفز بسرعه اعصب ...عيالي ذبحتهم بالصراخ والضرب قسم بالله خايفه من ربي بيحاسبني عليهم كل راعي مسؤول عن رعيته.. نفسي اكون هاديه وعيالي هادين وحياتنا حلوه  ...كل يوم مشاكل وضرب وصراخ انا عصبيه وزوجي للأسف عصبي والضحيه عيالنا..عيالي ربي رزقنياهم هادين بس انا جننتهم صارو عصبيين.. 
امي هاديه بس ابوي نااااااااار صراخ بس ماكان يضرب وأثر علينا كلنا بنات واولاد عصبيين ..
أبوي حنون بس عصبي كل شي فيه زين بس عصبيته تخرب كل شي.

عيالي شخصيتهم في البيت صراخ وعصبيين ومايحبون بعض وقدام الناس رخوم ضعيفين ينضرب ولدي الكبير مايقدر يدافع عن نفسه اتعذب ﻷني أنا السبب...

تصدقون قريت دراسه مدري عاد صدق والا لا  انو  بعد عشرين سنه او اقل بتكون  الوفيات  تكثر من الظغط النفسي!!!!.الله وحده يعلم 
وصراحه الكل ملاحظ الحين الناس صارو عصبيين بشكل فضيع محد يتحمل شي كبار وصغار عصبيين..

الله يهدينا ويهدي نفوسنا ويريح أعصابنا ويرزقنا الحلم والعفو.


طلبتكم شوفولي حل تعبت من حياتي اللي عندها حل تقولي تكسب أجر تكون سبب لتغيير حياتي لﻷفضل 

سبحان الله كني اشوف نفسي الي تتكلم لااله الاالله لي عوده

انت عارفة سبب المشكلة وعارفة حلها أتمالكي نفسك لاتدي نفسك اي مبرر لعصبيتك

الله يعينكم ويعينا العصبيه مرض العصر