آنا الي كنت أكلمه بالجوال وقت الحآدث !!..~ بطمنكم عليه .. ومحتاجة لكم

بسم الله الرحمن الرحيم

اسألكم بالله يامشرفات لاتنقلوا موضوعي من قسم الآسرية لأنه القسم الاكثر إطلآع من العضوات
وآنا محتاااجه كثير لأحد يواسيني ويخفف عني

.............

انا الي كنت آكلمه بالجوال وقت الحادث .. الي ماقرأت موضوعي الأول تتفضل هذا الرابط

http://forum.hawaaworld.com/showthread.php?t=1689248


وعشان كثير من العضوات الله يجزاهم خير تواصلوا معاي على الخاص وطلبوا مني أنزل موضوع عن آخر التطورات والأخبار الي صارت فرجعت أكتب لكم ..

مر تقريباً 40 يوم وهو لازال في غيبوبة

بكيت وترجيت أهلي يخلوني أروح أشوفه لكنهم رفضوا لانهم عارفين اني بنهار تماما لو رحت :44: قالوا لي الأفضل انتظر اذا فاق أروح له


و شفت سياااارته ..!! والله والله يابنات ان الي يشوف السياره يوقف شعر جسمه من هول منظرها
متعفسه من كل الجهات ومحترقه تماما والحمدلله ان ربي نجاه وقت وقوع الحادث وتكسر الزجاج وطار من السياره مسافة بعيدة وهذا من رحمة رب العالمين لأنه لو ظل في السيارة كان قالوا الله يرحمه

الحمدلله على كل حال

هو الآن فاقد الوعي في غيبوبه بعد ماتعرض لنزيف شديد في الرأس وبفضل الله تعالى قدروا يسحبون الدم من راسه

وتعرض لكسور في جسمه وضربه قوية في نهاية الظهر متخوفين انه اذا فاق مايمشي

مخه بدأ يستجيب للعلاج بنسبة 5 %

وبشكل عام حالته في الوقت الحالي مستقرة ويقولون استقرار حالته شفاء له بإذن الله

التنفس صناعي مايتنفس طبيعي ..

وبدأو يسوون له علاج طبيعي بس مايستجيب للعلاج رجوله ماتتحرك :44: يااااارب رحمتك ..

حالياً على كلام الدكاترة يقولون انهم متوقعين يفوق من الغيبوبه بعد 5 أسابيع من الآن ( وطبعاُ كل شي بيد الله عز وجل )


انا مانسيته من الدعاء والصدقة وأملي بالله كبير وكلامكم ودعائكم كان أثره علي عظيم مثل البلسم على قلبي بعد ماكنت منهاااارة وانا اكتب لكم الموضوع الأول
الله يعجل بشفائه ويفرح قلبي


لاتنسونه من صالح دعائكم لأنه في أمّس الحاجة للدعاء

( أسال الله العظيم رب العرش العظيم أن يفيقه من الغيبوبه عاجلاً غير آجل ويشفيه شفاء لايغادر سقماً )
( اللهم ياحي ياقيوم عجّل بشفائه وألبسه لباس الصحة والعافيه ياآرحم الراحمين )


بنات عسى الله لايفجعكم في غالي.. أدعوا لوالدته وأدعوا لي ان الله يربط على قلوبنا ويصبرنا ويفرحنا بشوفته سالماً معافى

هو بغيبوبه والقهر ان الطرف الثاني مقوم الدنيا ومقعدها يطاااالب بحقه والمرور يبون يحققون بالحادث حسبي الله ونعم الوكيل هالنااااس مايفهمون انه بغيبوبه ولا فاق ناوين يستقبلونه بالتحقيق و المشاكل وشلون بتكون ذاكرته ونفسيته
واهله ينتظرون المحكمة تأجل موعد الدفع لان الحقير الطرف الثاني يطالب بمبلغ كبير مقابل سيارته وديّه عن الكسور الي جاته من الحادث

الله يسهلها يااااارب انا شاااايله همه و الحزن أكل قلبي عليه من كل جهه \



اللهم يسر عليه وعلى جميع مرضى المسلمين وخذ بأيديهم وعجل عافيتهم وألطف بهم واجعل ماأصابهم تكفيرا لذنوبهم ورفعة لدرجاتهم واجمع لهم الأجر والعافيه واجعل ماصابهم واهلهم ومن احبهم عند البلاء صابرين محتسبين يحمدونك ويرضون بقضائك


لاتنسونه من الدعاء
لاتنسونه من الدعاء
لاتنسونه من الدعاء


اختكم سمو