اذا ساكنة مع الحمولة ومالج مطبخ تعالى اعطيج افكار بالخصوصية السلام عليكم
وايد بنات من رفيجاتي توها متزوجه وتقول ضبحنى اليوع ساكنه مع حمولتى ولا بالليل بخاطري بشى ولا ما اقدر انزل اخذ الطلب من المطعم ريلى نايم ومو حلوة افج الباب بانصاف الليوله
المهم الحل عندى
الادوات :
روحى الغانم
اشتري لج غلاية ماي ( سوى فيها الجاي والقهوة واذا عليج الدورة شى دافي )
ب 5 دك تقريبا سعرها
واخذيلج جوله كهرباء عين وحدة انا شاريتها ب 4 دك ونسا حق الطبخات السريعه وراح احطلج شنو ممكن تسوين عليها
اخذيلج توستر
حق الريوق ينفع وايد حلو حطى فيه اللى تبين ويطلعه لج محمش وحلو مممم
اخذيلج فرن كهربائى هذا ب 11 دك حلو وصغنون ويسويلج كل شى وبكتبلج شنو ممكن تسوين فيه
====
روحى لاي سوق شعبي واشتري بارتشن او طاولة جذي
واخذى لج مواعين بسيطة وراح اكتبلج شنو
ودرام زبالة بغطاء اكرمكم الله
الحين شنو تسوين
طالعى حوالينج
دوري لج زاوية
حطى البارتشن فيها ولا هالطاولة
وخلى وراها مخشوش
جولتج الكهرباء وتوسترج وفرنك الكهربائى
وروحى لوازم العايلة وقولى ابي محول كهرباء انجليزى يتحمل اركب علية الجوله
اوكى حلو الكلام
اللحين صار عندج مطبخ تحضير صغنون
يعنى اللى يدش عندج ما يدري عندج مطبخ صغنونو
هالمطبخ راح ينتج بلاوي خخخخخخخخخخ لبطنج الحلو خل اقولج شنو
_اول شى نيي للغلايه شنو تحتاج ؟
يبيلج مطارة شاي + كوبين لج ولريلج + قفشات + علبتين وحده حطى فيها شكر + وحده حطى فيها اللبتون + وحدة حطى فيها القهوة + انصحج اشتري نسكافيه اللى ييج الشكر وكل شى فيها بس حطى الماي الحار وصينية صغنونه لا تكثرين مواعين
التوستر ؟
اشتري توست + جبن حلوم + سلايس جبن + زعتر وحطية بغرشة خلج سنعه -- وسويلج توست بالحلوم والزعتر للريوق والعصاري ويصلح عشاء بعد
الجوله شنو تسوين عليها ؟
يبي لج جدر صغير -- سوى ماى حار بالغلاية بعدين كبية بالجدر وحطى بيضتين وشغلى الجوله بسرعه راح يصير عندج بيض مفيوح
او يبى مقله صغيرة وسوى بيض مقلى حلو الكلام
او اشتري معلبات ( انصحج ب فول بالخلطة السرية ) بس سخنيه واكليه رووووووعه
الفرن الكهربائى ؟ له موضوع كامل انا حاطته بدور الرابط واحطة لكم
تسوين فيه كيك - دجاج - سمك - صواني كل شى ولا ريحه ولا شى
مع خبز ويا سلام
هاه شرايكم فينى
ونسيت مواعينك اشتري لج اليرارة البلاستيك ورتبيهم فيها اخذيلج وحدة صعنونه
واللحين تمتعى باحلى مطبخ ولا تحنين على ريلج ولا شى صار عندج مطبخ يسوى كل شى والله يخلى لنا الكهرباء
ومن حبنا لها بنوفر لها
منقول
ماقصرتي سويتها قبل لا اطلع بشقه بروحي شريت غلايه للمويه واكواب وزمزميه للشاي وملاعق واكواب وميكرويف وحطيتها بكبت مخصص للاغراض وستفدت كثيررررررر منه والحين الحمدالله بشقه بروحي هههه تطورت