مشكلتي حامل بااخر الثامن وطلقني زوجي من شهرين سبب المشكله مايصرف ولايعطيني ولاريال واذا ناقشته عصب وكلم ابوي يتبلاء علي ولايقول عندك حافز لدرجة لابغيت اطلع لمكان يقول تعشيني ولاتعبين بانزين على حسابك واضطر ادفع له ثاني شي جايب ولد عمه عمره 17 سنه مراهق ومسكنه بالبيت ولاصرت جالسه بالصاله يدخل ويصوت اني اروح لغرفتي يبي المطبخ وكنت تعبانه مافيني حيل انظف وهو وصخ يحوس المطبخ حوس وتهاوشت معه ورفض زوجي يطلعه قلت ابوك اولى فيه هو عمه وكان رده ان عندي اخوات واخاف عليهم وقلت يطلع ولاانا اطلع قال اطلعي هو البيت بيته الي قاهرني اخواتي حاقدين علي انتي تقطعين رزقنا ماحد يخطبنا بسببك لاني مطلقه قبل ويعبون راس ابوي علي لازم تحرمه من الطلعه وتاخذ جوالها تعبت نفسيتي منهم ويبغوني اكلمه اراضيه وهو مافكر يكلمني او يراضيني وقبل كذا اكتشفت انه يكلم طليقته من وراي وناوي يرجع لها يوم قلت لاخواتي يخوني قالوا اهون من يخونك مع وحده غريبه وحاولت اتفاهم معه وضغطت على نفسي قلت ماترجع طليقتك قال غصب عليك ومالك اي شروط ولامصروف ولاشي ولاتتدخلين فيها قلت خلاص هي بيت وانا بيت قال لا وتشتغلين له خدامه وش اسوي مع اهلي حالفين اخواني ماتزوج ابد مو حرام اعيش مع واحد كذا والله افكر اروح لدور الرعايه ارحم من عيشتي عند اهلي
يلزم عليك تسجيل الدخول أولًا لكتابة تعليق.
نحب حواء
•
الحين الزم ماعليك صحتك اولدي بالسلامة إن شاء الله وثم فكري بحل مشاكلك بدون صراخ وعناد
بصراحة مشكلة صعبة تحتاج رأي سديد من مستشار اسري
الله يصلح حالكم اكثري من الاستغفار والصلاة على الرسول اللهم صلى على محمد واله وصحبه
واصلحي حالك مع الله يصلح لك حياتك كلها لا تيأسي وحلي مشاكلك بهدووووء الله يفرج همك
بصراحة مشكلة صعبة تحتاج رأي سديد من مستشار اسري
الله يصلح حالكم اكثري من الاستغفار والصلاة على الرسول اللهم صلى على محمد واله وصحبه
واصلحي حالك مع الله يصلح لك حياتك كلها لا تيأسي وحلي مشاكلك بهدووووء الله يفرج همك
الصفحة الأخيرة
بس دامك تتمشكلين معه ليه تحملين منه
ثاني شي خواتك يمكن يكون معاهم حق اذا كان تفكير جماعتكم كذا
ثالث شي الولد ابو 17 سنه مو قاعد عندك العمر كله اذا كان هو سبب المشكله
وانتي اللحين ام عيال حياتك ماصارت لك 100 بال 100