هل يجب على الزوجة خدمة اهل زوجها

لا

بس تراها مؤ حلوه تشوفي ام زوجك تشتغل لحالها وانتي مكبره المخده!!!

ساعديها بالقليل عشان لاتتعود انك ملزومه بالشغل !!!!

لا مو ملزومه ابدا
هالموضوع بكيفك اذا حابه تعاوني اذا تستاهل
او اذا ماتلاقي منهم الا النكران والجحود ريحي حالك افضلك

من ناحيه دينيه اتوقع مو لازم
بس ديننا الحنيف حثنا على التراحم والتعاون
وخاصه رحمة كبار السن

لا مو لازم بس يمكن العرف والتقاليد

بصراحه انا اروح بيت اهل زوجي مره او مرتين بالكثير بالاسبوع

وعندهم ماشاء الله خدامتين ويوم الجمعه كل وحده تجيب خدامتها من البنات يصيرون يمكن 7 فمافي احد يشيل ويحط اهمه يخدمون

مافي الا زوجي يرز خشته بالمطبخ هو اللي يشرف ليه ماادري واشمعنه هو خواته جالسين وامه واخوانه الا هو اللي لازم يشرف من اول ما دخلت بيتهم كذا حتى غده العيد مع انه مو الكبير في 5 اكبر منه 2 بنات .

لا طبعا ..لكن بعض الزوجات توصل لبيت أهل زوجها وتقعد بالأيام والأسابيع وحضرتها مخدومه طيب من الذوق والأدب تخدمين نفسك ..هم بعد مو ملزومين يخدمونك لكن الله يصلح الحال ..إيش فيها اذا الوحده تعاونت مع أهل زوجها اذا بتجلس عندهم أسبوع أو أكثر المهم..بالمقابل الزوجه مو لازم تخدم أهل زوجها . لكن التعاون حلو أما الزوجه تشتغل وأخوات الزوج قاعدات فلااااا ..بس مو حلو أم الزوج تتعب لحالها ..وياااكثر ما سمعنا بهالمنتدى خليك رسميه ولاتعطينهم وجه ولاتعودينهم تراى مو كل وحده هنا تفهم الرسميه صح..بكره ان شاءالله بنكون مكان أم الزوج طيب كيف أتمنى زوجة ولدي تعاملني  .ياليت كل واحد من الطرفين يخاف الله في الثاني ..وبس