خلاص قررت بعد شهر اجهز غرفتهم الله يخليكم لي ولايحرمني منكم ....

حبيبتي أنا كان عندي بنت و لما صار عمرها سنة و 10 شهور جبت بنت ثانية و صاروا ينامو معايا طبعا صار مهرجان في الليل غير ان زوجي احسه ما ياخذ راحته و اذا جيت ابغى ألبس قمصان و اسوي حركات في غرفة النوم ما أقدر بصراحة زوجي ما قال لي شي بالعكس كان يقول لي انه ما يطمن الا و البنات نايمين قدام عينه..
و في يوم من الأيام بعد معاناة من مواقف اخجل أن اذكرها قررت أن أطلع البنات في غرفة لحالهم.. و سويت مكان سررهم كنب و جلسة حلوة فيها تلفزيون و اشتريت لحاف جديد و غيرت شوية في الديكورات المهم كانت مفاجأة جميلة لزوجي..
بالنسبة للبنات تعبت في الأيام الأولى بعدين خليت الشغالة تنام معاهم لمدة شهرين بعدين صاروا يناموا لحالهم و انا اخلي باب غرفتي مفتوح عشان أسمعهم لما يصحوا و الحمد لله شوي شوي كبروا و ما صاروا يصحوا بالليل غير مره واحده يشربوا مويه أو حليب و الحين بناتي أعمارهم الكبيرة 3 سنوات و 9 شهور و الصغيرة سنة و 8 شهور..