السلام عليكم ورحمة الله وبركاته
يابنات قبل كل شيءأنا أعرف أنكم بتلوموني على ماعملته لكن والله لو تكونوا عشتوا قصتي بتقولوا الحق معك وربي يكون بعونك
انا أمرأة من عائلة ميسورة الحال مادياً ومعروفة أجتماعياً وتزوجت من شخص فقير الحال ولكن لدية شهادة جامعية زي شهادتي ومن عائلة بسيطة لكن حقودة وماعندهم أبسط قواعد التربية .بالعربي ماكان في تكافؤ بيننا هو بدأ حياته بسيط على المرتب وبدأ يشتغل في التجارة وربي فتحها عليه لكن والله يابنات عمري ماشفت أثر النعمة هذه علي ولا على أولادي فهو بخيل معنا بشكل مقرف وكل خيره لأهله وقضيت 16سنة معاه وانا أعيش من المبالغ التي يعطيني أياها أهلي وبالمناسبة ثلاث أرباع المدة هذه قضيتها عند أهلي فقد أشتروا لي بيت ملك بجنبهم ويوم أرد لزوجي أقفل البيت ويوم تصير مشاكل يتركنا بالاشهر والسنة والسنتين وكالعادة أرد بيتي وأهلي يتكفلون بمعيشتنا علماً ان بيت الزوجية أهلي هم من أثثوه وقبل كم سنة وفي احد المشاكل علمت من الجيران أن أهله أستاجروا شاحنة وأخذوا كل أغراضي والله يابنات بيت كامل أثاثي من هلي ملابسي وملابس أطفالي حتى العابهم وزع البيت على أهله أخذوا الذي خذوه وباعوا الذي باعوه
حتى سيارتي والدي اشتراها لي خذاها وباعها
وكل هذا انا متمسكة فيه وبقول والد اولادي وبصبر واحتسب
ورديت وأثثت بيت أخر والحين جالسة فيه معه لكنه ايجار مع العلم ان عنده بيوت ملك ولكنه يؤجرها .يابنات حتى هلي دائماً ينكل فيهم ويتكلم عنهم امام الناس بالشينة ودائماً يحب الذي يكرهنا ويكره الذي يحبنا حتى انا زوجته .والحين صارت أخر مشكلة بيننا وهي انني توظفت قلت بتخلص شوي من جو المشاكل وبخرج من الجو المريض الذي معيشنا فيه وقلت بعتمد شوي على نفسي لان اولادي كبروا وصرت اخجل حتى من زوجات أخواني .وحصل ان كان لابي صديق قديم يعيش في مدينة اخرى متزوج من وحدة بعمري وهي بمثابة عدوة لي وتكرهني وتؤذيني دائماً حتى زوجها يكره والدي ويوم بغوا يجوا عشان ينقلوا شغلهم لمدينتنا أتصلوا بزوجي ليساعدهم وعنداً بي وبأبي مع العلم ان لهم معارف كثيرين في الديرة وانا قلت له اترجاك احترم وجودي ولا تهينني امامهم هم مايكلموني ولا يكلمون هلي كيف بتساعدهم وهو مارد علي . وقبل ثلاث أيام عرفت من بنتي تقول لي تدرين يايما ان ابوي توسط لفلانة حتى تتوظف في شغلك وراح معاها هي وزوجها حتى يتوسطون لها طيب مالقى غير المكان الذي اشتغل فيه مالديرة مليانة مدارس الا المكان ذا
تخيلوا يابنات جى لمكان عملي وانا ماادري ويبغا يوظفها وانا يوم عرفت طلعت كل الجنون اللي فيني
قلت كيف بعيش معه بعد كذا هذه اعمال واحد عدو
وقلت خلاص ص ص كل الصبر الذي كان عندي نفذ
ويوم دخل البيت يابنات مامسكت نفسي طلعت كل اعماله الشينة في 16 سنة وعريته امام نفسه(بخله خسته حقارته) وسببته وسببت أهله وطردته من البيت يابنات اول مرة من 16 سنة افقد وعي وقلت كلام الحين انا متندمة عليه ماكنت ابغى اقوله امام اولادي لكنه فقدني اعصابي (اعرف انكم بتلوموني) لكن والله يابنات تعبني كثير في حياتي والعمر الذي نعيشه واحد مش اثنين وهالشخص ضيعه مني
الحين احس ان اولادي متألمين وبيلوموني على الكلام الذي قلته وانا مهما شرحت لهم لن يتخيلوا حجم الالم الذي سببه لي في حياتي
والان يبغوني اتصل عليه وانا حائرة يابنات وانا حتى لو اتصلت فهو شخص لئيم وبيظل يتعزز علي
ودي اتخذ خطوة جريئة في حياتي واتركه (ومابكذب عليكم في كل مرة احاول اني أتخذ الخطوة هذه ولكني اصطدم باولادي وبكلام الناس وش بيقولون عني بعدها)لكن الحين يابنات حاسة نفسي خلاص مابتحمل كل الصبر الذي عندي نفذ
شوروا علي وش أسوي
ناديةاحمد @nadyahmd
عضوة
يلزم عليك تسجيل الدخول أولًا لكتابة تعليق.
الله يكون بعونك ولا يبلانا ياربي .. الحمدالله على كل حال .. أنا مدري وش اشور عليك بس شوري بيكون خراب وانتي عندك عيال .. لأكن مثل م قلتي عندك بيت ملك وعندك وظيفه يعني مغنيك ربي عنه ان شاء الله مشكلتك الباقيه عيالك تفاهمي معهم وشوفي وش بيصير معك تطلقين ولاتتعلقين ويبقون عيالك معك .. الله يفرجها عليك وعلينا ياربي .. ولاتنسيني من الدعاء بالفرج لاهلي ولي
tom.tom
•
لو انا ماأتصل عليه ولا أعبره لاتحسسيه إنك ندمانه فيكبر راسه ويحس إنك ظلمتيه ولا بيندم خليه يراجع نفسه ويعرف إن كلامك طلع من قلبك مش لحظة زعل.الله يهديه ويسخره لك
نفوود
•
الله يلوم الي يلومك !!!
والي سويتيه ابداً مو غلط ..بلعكس إلا جا متأخر
وانا رائيي .. لا تتصلين عليه ولا تعبرينه ..اصلاً وجوده زي عدمه!!
وعيالك إذا يبونه يظغطون عليه هو مو انتي !!
هو الي غلط وهو الي راح يدور المشاكل مو انتي !!
عيالك خلاااص تحملتي عشانهم كثير والحين هم كبروا
وجا وقتك انتي ..(انتي) الي تعرفين وش الي يناسب وضعك
اما عيالك بكره بيتزوجون وكلن بيعيش حياته
انا أأيد رأيك لما فكرتي تتوظفين وأأيد دفاعك عن وظيفتك ووضعك النفسي بالعمل
والله شي يقهر نكد عليك بحياتك والحين جايب مره تنكد عليك بوظيفتك !! ماله حق ابد ابد
الصفحة الأخيرة
يا ضرب يا اهانان يا كره يا يتزوج عليها.. على إنه إيش اكبر حجه لهم انه اهلك كانوا يبغون يتخلصون منك (( هذا كلام الزوج الي يتزوج بوحدة اهلها يتكفلون بكل شئ)) ما يفكر انهم احشموه وعاملوه كولدهم
وهذا الي عملتيه كان لازم يكون يكون من زمان ...ما الومك على الي عملتيه
واذا عن عيالك وانتي عارفة انه بيتعزز فما بتخسرين شئاتصلي له قدام العيال واذا تعزز يكون خلاص عملتي الي عليكي قدام عيالك
ترى اكيد عيالك كانوا حاسين بهالشئ بس مهما كان ابوهم ما يتحملون يشوفونه في لحظة اهانة وضعف