السلام عليكم ورحمه الله وبركاته
شحالكم خواتي ؟
من يوم كنت بالشهر السابع والكل يقولي
ان حجم الجنين اكبر من عمره هني عادي
لان ما في شي ..
بس الكل اجمع ان راسه كبير ... ولله الحمد تام الخلقه بس راسه كبير
البارحه راجعت عندنا عياده خاصه قالت لي وزنه 3 كيلو و500 وزياده( هالكلام مب من دكتوره وحده كذا وحده)
وقالت الرحم مسكر نهائيا والببيبي راسه نازل بالحوض
قالت لي نصيحه روحي طلبي من المستشفى الحكومي طلق صناعي
لان قاست لي الرحم قالت لي ماتوقع انج لو صبرتي لين موعدج ( الموعد 6-10) بتربين
طبيعي لان قياس الحوض مابيقدر يطلع راسه .. بهالمعنى
قالت لي احين لو دشيتي على طلق صناعي في امل تيبين طبيعي باذن اللهـ...
رحت اليوم المستشفى وخبرتهـم وكنت اتمنى على الاقل شي واحد
تفحص وتشوف وتصور وتسوي لي سونار !! تتاكد
جان تقول الدكتوره الدكتوره اللي رحتي لها مب اختصاصيه وانا اختصاصيه!!!
وقياس الحوض ناخذه بعدين وبعدين نقرر لو طلق صناعي والالا
( علما ان ف نفس المستشفى تسببو في قتل ولد حد من اهلنا
سبه انهم ماقاسو الرحم لو ان الحوض ظيق والالا وولدو الحرمه بدون قياس وتوفى الولد)
على الاقل تتاكد من وزن البيبي وراسه!!!
ماطاعت تسوي لي طلق وقالت لي تعالي الاسبوع الياي بتكوني مخلصه موعدج
وبنفكر نسوي طلق صناعي
وانا صراحه ماقدر اصبر اخاف من العمليه لان راسه كبير وحجمه كبير
بنات الرحم مسكر !!
والراس نازل بالحوض الحمدلله بس ودي اولد هاليومين
شواســـــوي؟
ابى شي يفتح الرحم
مرااحب
قلب زايد , @klb_zayd_1
عضوة جديدة
يلزم عليك تسجيل الدخول أولًا لكتابة تعليق.
بنت الأوغلو
•
حبيبتي كيف قاسوا الرحم وعرفوا انه مسكر وانتي مامعك طلوق انتي اللي طلبتي منهم يقيسونه والا كيف
انا اشوف انك تصبرين اسبوع زي ماقالت الدكتوره
واذا ماجاءتك اعراض الطلق اكيد بيعطونك طلق صناعي
وقل لن يصيبنا الا ماكتب الله لنا
واذا ماجاءتك اعراض الطلق اكيد بيعطونك طلق صناعي
وقل لن يصيبنا الا ماكتب الله لنا
الصفحة الأخيرة