شاهدنا ليلة القدر ادخلوا واقلكم اش شفنا (حشا قصة حياتي ماهو موضوع)

السلا م عليكم ,,,,,,,,,,,,,,,,,,, كيف الحال
في رمضان في ليلة 25 جتنا رسائل جوال ان ذيك اليله ليلة القدر
اتجهت انا وأختي الى مقر العباده فوق السطح
المهم قلت لأختي خلينا نتكلم اشوي عن ليلة القدر علشان نخشع وجلست اسولفلها عن قصص و{ اتفلسف}:arb: واقلها عن شكلها المهم وحنا نسولف شفت نور في السماء صحت ليلة القدر ونصايح ونلحق النور لأنه يمر بسرعه وأصيح أدعي أدعي وروحي ادعي أهلي يدعون معنا ونزلت مثل الصاروخ :09: وتنادي يا أمه يا أبويه وتصيح قالو اش السالفه قالت القدر القدر القدر القدر قالت أمي بكل برود قد طفيت على القدر( على بالها قدر الطبخ مال السحور) وتصيح اختي وتقول لا القدر الي في السماء ابويه (فهم انه القدر مال الطبخ قدر الضغط انفجر) قالت اختي وهي مرتبكه وتصيح لا القدر القدر بسرعه شفناه تداركت الأسره الكريمه الأمر وأتجهوا الى السطح بسرعه فائقه اسرع من طيارات الضوء والصوت وأخذو يدعون والنور لا زال يمر والعائله الكريمه يدعون واامي تبكي والكل يدعي والبعض ثر السبحه وتذكرنا أحدافراد الأسره وذهبت لأأناديه لمشاهدتة ليلة القدروانا بسرعه خاطفه ابي انزل اناديه الاّ وذاك الكف من أمي تقول فين رايحه أدعي(مدري مضاربات اودعاء ):eek: يوم فهمت امي اني ابي أدعي اخوي قالت بسرعه وذهبت ايه في صوت واحد ليلة القدر ليلة القدر وطلعنا للموقع وأمي قد زادت في البكاء وابويه يدعو بخشوع ورقابنا شوي وتتكسر وتقدمت انا وقلت بصوت خاشع النور في الخلف اقوى ولفت الأسره الكريمه للخلف وأذا بالفاجعه



















الجديعي فتح
محل اسمه الجيد يعي فتح وركب كشاف وموجهه لسماء
رايح جاي وحنا خذينا مقلب (اش ذا العائله الصالحه الي كلهم شا فو ليلة القدر)
وبعدها انقلب البكاء الا ضحك والحمد لله انا اكتشفنا الوضع ولا كان الى اليوم
ندعي :hahaha: