ام اسامة ولين @am_asam_olyn
عضوة جديدة
اللي عندها انقلاب احشاء او بتعرف حدا عنده انقلاب تدخل
السلام عليكم اخواتي الكريمات بصراحة هذا اول موضوع لي في المنتدى فيا ريت تتقبلوا بصدر رحب :26: أبدألكم من لما كنت صغيرة وأنا بقول لماما انو عندي قلبين لاني كنت لما بحس دقات قلبي احس انو ع الطرف اليمين دقات قلبي اقوى من اليسار وبحكم اني صغيرة افكر انو عندي قلبين وكانت امي دائما تفكرني اني عم بكذب لحد ما اجى يوم من الايام قالتي امي تعالي لعندي خليني اشوف يابنات اول ما حست بدقات قلبي صار وجهها زي هيك :icon33: على طول اخدتني لعند الدكتور وطلب الدكتور صورة لكامل الاحشاء وطمنها انو هذا الشي طبيعي بس قلي انو عندي قلب واحد مو قلبين متل ما كنت مفكرة اجيت انا زعلت لاني كنت مفكرة حالي طفرة (اختكم كاينة هبلة بصغرها) عملت الصورة وكمان الدكتور اللي عم يعمل الصورة اجى يركض قال في غلط بوقفة البنت قدام الجهاز قالو بابا لا نحنا جايين مشان انقلاب الاحشاء ببشركم يا بنات انا طلعت احشائي كلها مقلوبة يعني القلب ع اليمين والزايدة عاليسار يعني كل شي عند الناس باليسار انا عندي باليمين وبالعكس وسبب طرحي للموضوع انو ما لقيت حدا متلي بقى اللي بتعرف حدا متلي تقول كيف اكتشف الموضوع
15
4K
يلزم عليك تسجيل الدخول أولًا لكتابة تعليق.
الصفحة الأخيرة