انا من رايي عليك تروحين للبلدية وتسالين احسن شيء او ادخلي لموقعهم عن طريق النت واساليهم وهم بيردون لك خبر..

شكرا اخت شموخ لتعاونك

اخت شموخ فتحت موقعهم مافيه الا لحوم ومسالخ واطعمه 
ممكن الرابط حقهم ربي يوفقك

شوفي ياعسل

قبل كم شهر اصدروا قرار بمنح تراخيص للنوادي
من البلدية ومن وزارة الصحة

لكن مدري اذا بدأوا يطبقونه

اكتبي بقوقل منح تراخيص للنوادي النسائية يطلع لك الخبر


وانا نفسك ابي افتح نادي بالرياض وللان موعارفة اش الاجراءات
ومحتاسه
ولا عارفه أي صندوق يدعم هالمشروع

موووفقه

اخت عاصم ربي يوفقنا واياك والف شكر لمرورك 
بادور بالنت وعساني القى مبتغاي
وانا سالت بعض المواقع قالو لازم يكون تبع مستوصف او علاج طبيعي 
طيب شلون كل اللي فاتحين هالنوادي جايبين ترخيص بدون مستوصف ولا يحزنون ربي يبارك لهم عملهم ويزيدهم من فضله بس اكيد في مخرج وعلى امل تدخل وحدة من اللي عندها خبرة وتفيدنا ولها الاجر (مازال الخير في امتي الى يوم الدين)
وبالنسبه للقرض يقولون المئويه 
اما عبداللطيف مايعطي للنوادي هذا كلام الناس ومازلت ابحث وان عرفت شي علمتك وانتي كذلك لاتنسيني اذا توصلتي لشي 
انا نقطه وحده اللي معي وهي مندوب يوفر جميع الاجهزة باسعار منافسه والحمدلله شي احسن من لاشي  والمدربات اعرف ناس يجيبون مدربه روسيه حاصله على شهاده والله يوفقنا لمافيه خير وصلاح