طريقة الطلاق

السلام عليكم ورحمة الله وبركاته
اخباركم ؟ وحشتوني كثير

عندي مشكله وابغى لها استشاره لعل وحده
منكم يكون لديها خبره احسن مني

انا اعاني من زوج حقود لايغفر الأخطاء ابداً
ملقوف بكل شيء
كل حاجه اسويها ماتملي عينه حطمني بما فيه الكفايه
تعبت من مقارنته لي بأخته او مرت زميله او امه

من جد لو تشوفوني قبل وبعد الزواج بتصدقون
النفسيه صارت دمار
نحفت قضيت صايره بس اشرد كثير وافكر بكل كلمه جرحني فيها
دايما ابكي مهمومه حتى دراستي عجزت اكملها من تحطيمه

يتعامل معي وكآني عدوه له ويبغى يآخذ حقه مني

انا مآكتبت هآلمشكله الا لأني يأست منه ومن تعآمله
حاولت اتغآضى حآولت أسآمح جيته بكل الطرق
مانفع معه للأسف صرت اكرهه

الروح وحده صح؟! ليش اضيعهآ وأموت باليوم كم مره عشآن مين؟! عشآنه هو؟! وليش هو أصلاً فكر فيني؟!

لذا قررت الأنفصأل ولي كذا يوم استخير
وأدعي ربي
لكن شفتوا اللي منهد حيله!! اللي كآن يركض يركض ورا شيء وفجأه تعب ولا حصله!
هذا انا من قو التعب النفسيى اللي فيني
مآعآد لي حيل لأوجآع ثانيه
مع أن الوجع اللي عايشته معه شيء لايطآق

أنآ معي ولد وأذآ أنفصلت مراح اتزوج بأذن وآحد أحد بس المشكله كيف اصرف علي وعلى نفسي
وانا لا بوظيفه ولا شيء أمي وأبوي متوفين
صحيح عندي اخوان بس يَ ترى بيستحملوني العمر كله؟!

انا ابغى أأسس نفسي من جديد
انفصل عن زوجي وأستأجر شقه لو خرآبه وأتوظف أن شآءالله فرآشه او مرآسله بس اعتمد ع نفسي
ومآأحتآج لأحد...

تتوقعين اقدر؟! ولي الحق اقول لأهلي ابغى اسكن بروحي مع ولدي طبعآ قريبه ممنهم
مين يقدر يفيدني من عنده خبره بأمور الطلاق وكيف تتم ؟!
مع العلم لو أنآ اللي اروح وأطلب الطلاق من المحكمه مراح يترددون بتنفيذه وأمر زوجي فيه
لأنـ زوجي مع الأسف يسوي حآجآت لا الله ولا رسوله يرضآهآ

هل لي الحق بالطلاق ؟! تكفون من يشور علي
كيف اتصرف حتى يكون هآلطلاق وبعد الطلاق كيف بعيش؟!

وشكرا لكم