امنيه ضائعه @amnyh_dayaah
عضوة نشيطة
زوجي واللي صارمن سنه عجزت انسى وكرهته
انا متزوجه من سبع سنوات زوجي ملتزم بعض الشئ دينه على مزاجه المهم كان زين معي وكنت انا اموت عليه احبه بجنون ولا اتحمل ابعد عنه مع الوقت وتأخرالحمل سنه سنتين ثلاث ماخليت علاج ولا حرمه الا ورحت بدأزوجي يتذمر من ثاني سنه ويقط حجي اني شكللك مافيك عيال وكل ماسمع احد حملت مرته يتضايق المهم كنت اقنعه ان الطب تطوروان شاء الله الله بيرزقنا كان يلمح لي دايما انه بيتزوج وانه يحب الاطفال ويب درزن عيال ويهتم في عيال اخوه ويجيبهم عندنا في البيت ويشريلهم العاب ويأخذهم يتمشى فيهم كان يحبهم صج بعد4سنوات طلبت منه انه نجري اطفال انابيب لأن الدكتور نصحني وقال ليش تتأخرون والعمر بيجري رفض بالبدايه ومااقتنع وبعدالحاح وافق بس بشروط تخيلوا شروطه انه ماله دخل بعلاجي ومصاريفه ولا مواعيدي بحجة انه موفاضي وافقت كله عشان البيبي اللي قلت اذاجاءبغير حياتنا ان شاءالله صاروا اخواني الله لايحرمني منهم هم اللي يودوني مواعيدي خصوصاان المستشفى مو نفس منطقتناوانا الحمدللله موظفه مومحتاجه منه شئ ولا اكلف عليه بشئ واساعده في المصاريف سويت العمليه وطول ماكنت انتظر النتيجه كان يتريق علي ويقول ماراح تحملي وكنت مطالبه بالراحه طول فترة اسبوعين وكان مومتحمل ورفض اجيب شغاله وصرت اشتغل في بيتي غير نفسيتي الي دمرها لي بكلامه وتجريحه اتحملت ودعيت ربي تنجح بس عشان اقهره تصدقون قدر الله وفشلت العمليه وماصارحمل قال الدكتور هالعمليات غالبا تنجح من المره الاولى ومع التكرار تنجح مااستسلمت كنت اتمنى بس طفل يغيرلي وضعي وحياتي والتهي فيه عنه وهو بيكيفه يتزوج يطلقني بس ابي طفل فاتحته بعد سنه تقريبا اني بعيد العمليه رفض وقال انا خلاص بتزوج وانتي مافيك عيال وانا تعبت نفسيا ومرضت منك ومن التفكير والناس كلتني للحين ماجبت عيال انا قررت اتزوج خلاص وانتي روحي في حال سبيلك وماراح تجلسي بدون زواج انتي موظفه ومرغوبه هنا انا انصدمت منه وبكيت لين جفت دموعي بها البساطه نسي العشره يعني ماهمه غير العيال وقالي فكيني منك مابيك قلت يعني هالحركات اللي كنت تسويها معي كنت تبيني اطفش وانا ساكته ومتحمله واقول اعذريه مضغوط قال ايه ولاعلمك الحريم الي خطبتهم رفض لاني عندي زوجه يعني انتي الي قطعتي رزقي روحي لأهلك وقام وطلع شنطة ملابسي وقال يله روحي لأهلك وورقتك توصلك رحت لأهلي ماحكيت لهم شئ اول يومين خصوصا ان امي مريضه وماتتحمل بس كان باين علي اني زعلانه معه خصوصا اني ماكنت انام عند اهلي اكثر من يوم مر اسبوع كلمني ابو زوجي انسان طيب ويحبني قال يافلانه وينك لك اسبوع ماشفتك للمعلوميه انا ساكنه بجناح عندهم قلت انا عنداهلي وكذا وكذا السالفه قام يترجاني ويقول لازم ترجعي وهذابيتك موبيته وانازعلان عليه وماراح ارضى لينترجعيني وقال ان بطلب منه يعالجك وان شاء الله الله بيرزقكم ليش مستعجل وبعدين انتي عاقله وفاهمه واذا ماالله كتب ماراح تمنعينه من الخلفه وجاء البيت ورجعني عمي لبيتي وقال ماعليك منه رجعت يابنات عشانه وقلت له انا ماراح امنعك تتزوج بس اول خلينا نتعالج كان همي بس الطفل كيف اجيبه بسايسه عشان العمليه والا هو والله انه ماصار يسوى عندي شئ عفته بعدجرحه لي المهم سويتها ونجحت والحمدلله والحين انا حامل بالسادس وعمي بغى يطير من الفرحه لماسمع الخبر الله يطول بعمره وماراح انسى له هالجميل والحين ادعولي الله يتمم علي واشوف ضناي اللي انتظرته وتحملت كل اهانه عشانه تدرون وش موقفه الحين يقول انا مصر على الزواج اجل كل حمل لازم انابيب ماراح اتحمل مع انه ماساعدني ولا بشئ المهم اني عفته واحس اني عايشه مع انسان مايبيني تعبت من التفكير اتمنى كل وحده تقراموضعي تدعيلي بتمام الخلقه لابني وان يتمم الله علي واشوف ولدي بين عيوني ويغير لي حياتي
292
25K
يلزم عليك تسجيل الدخول أولًا لكتابة تعليق.
انتبهي لنفسك وللبيبي وشيليه من راسك سامحييييييييييييييييه مو عشانه عشانك لانك بتتعبين كل ماذكرتي السالفة وفي نفسك شي عليه
ولاتناقشينه اذا قال بتزوج صدقيني اللي الله كاتبه ماراح تمنعينه بس بتتعبين عالفاضي وهو ماراح يسمع لك
خليه يمكن يطيح اللي براسه وساعتها يعرف قيمتك
اتوقع رغبته بالزواج مو عشان الاطفال بس حاط هالشي عذر عشان مااحد يلومه
خاصة انك حامل الله يتمم لك على خير
اجل مايبي اطفال انابيب وهو ماتكلف بشي!!!
ولاتناقشينه اذا قال بتزوج صدقيني اللي الله كاتبه ماراح تمنعينه بس بتتعبين عالفاضي وهو ماراح يسمع لك
خليه يمكن يطيح اللي براسه وساعتها يعرف قيمتك
اتوقع رغبته بالزواج مو عشان الاطفال بس حاط هالشي عذر عشان مااحد يلومه
خاصة انك حامل الله يتمم لك على خير
اجل مايبي اطفال انابيب وهو ماتكلف بشي!!!
الصفحة الأخيرة
والله يسخر لك زوجك ويصلح مابينكم ويهديه
لاتتركين الرقيه على بطنك وادعي ربك بألحاح والاستغفار
وان شاء تجين تبشرينا بولادتك *_*