مين تعرف سلطة من مكوناتها ----------

يعني انتي ماكلتنها بمكان والا شايفتنها بالمنتدى قبل..

أنزين أخلطي هالأشياء وسوي التتبيلة المعتادة وضيفي نعناع.. أعتقد بتطلع حلوة..

وانشالله البنات مايقصرن بعد..

تسلمين يا *المسافرة* -- بس هالسلطة لا أكلتها ولا شفتها --- بس وحدة ذاقتها عند ناس وعجبتها ولما سألت عنها صاحبة الأكلة ما عطتها وجه :55: وهذا إللي تذكر من مكوناتها :44:

الله يسلمج ياختي.. يعني انتي واسطة خير ألحين.. طيب خليها تجرب يمكن تفلح.. لأنها هي اللي ذاقتها وتقدر تحدد الناقص من الزايد..

مرحبا اختي انا بكتبلك السلطه اللي اعرفها ويدخل فيها الاشياء
اللي ذكرتيها وان شاء الله تكون هي اللي تبين :
المقادير :
بطاطس ــ باذنجان ــ خبز ــ جزر ــ خس ــ فلفل بارد ــ بصل أخضر ــ بقدونس
علبة ذره << وهذي حسب الرغبه
التتبيله :
فص واحد ثوم ــ 2 ملعقة طعام زيت زيتون ــ ملح ــ خل ــ 2 ملعقه نعناع مفروم
الطريقه :
1ـ يقطع كلاً من البطاطس + الباذنجان + الخبز الى مكعبات ويقلى
2ـ يقطع الى قطع صغيره كلاً من الجزر + الخس + البصل الاخضر + البقدونس + الفلفل البارد
3ـ تخلط مقادير التتبيله في الخلاط وممكن تخلط يدوياً
4ـ يخلط الجميع في زبديه عميقه ويقلب ويمكن اضافة علبة ذره <<<< انا اسويها بالذره وتطلع لذيذه
وبالهنا والعافيه على قلبك وانصحك فيها لانها من جد تستحق التجربه

مرحبا حبيبتيه ..

سمعي الغاليه طريقتي في اعدادها ما لها مقادير محدده ..

يعني .. كل شي تطوله إيدي احطه فيها ..

المقادير كالتالي :

حبتين باذنجان ..

جزرتين ..

حبتين بطاطس ..

1 رغيف خبز لبناني ..

حبة فليفله ..

علبة ذره <<--- ما أدري ليش أفضل المجمد و أكثر منه ..

فاصوليا حمراء علبه ..

زيتون أسود + أخضر <<--- ممكن تستغنين عنه و ممكن تحطين نوع واحد على حسب ذوقج..

علبة روب ..

ملعقتين كبار مايونيز ..

عصير ليمونه ..

1 م.ك زيت زيتون ..

2 م.ك نعناع يابس ..


الطريقه :

أقطع ( الباذنجان و البطاطس و الجزر و الرغيف ) مكعبات و اقلي كل صنف بروحه ..

اقطع الفليلفله ناعمه جدا جدا ..

في زبديه اخلط كل من ( الباذنجان و الجزر و البطاطس و الخبز و الفليفله ) و اضيف لها الذرة

و الفاصوليا و الزيتون ..

امزج ( الروب و المايونيز و عصير الليمون و الزيت زيتون و النعناع ) و اضيفهم على

الخضار و امزج الجميع عدل و أخيرا في صحن التقديم اصب عليه شوية زيت زيتون ..



و بالعافيه عليج عيوني ..:cook: