شكري وعرفاني لكم

بسم الله الرحمن الرحيم

الى كل اخت في هاذا المنتدى عامه وكل اخت في قسم الارادة خاصه

حابه اقولكم شكرا علا كل شي علا دعواتكم للاغالية المها الله يرحمها الله يسعدكم ويتم عليكم العافيه

مانسيتها الله يرحمها وكل مادخلت كنت بس اتصفح وما اتجرا اقرا مواضيعها ورغم اني انا الي سجلتها في المنتدى

واعرف الرقم السري كنت اخاف ادخل المنتدى واتذكرها لاني كنت فعلا محتاجتها الى الان بس الله ارحم مني

ورتاحت من الي شافته الحمد الله علا كل حال
اليوم تجرات ادخل واقرا مواضيعها ولقبها لاني يوم كنت اتابعكم كيف ماشاء الله قلوبكم علا بعض رغم انكم ماتعرفون

بعض بس بسم الله عليكم مترابطين ليتها كانت تعرفكم وكانت معكم بهالروح والمحبة الله يديمها عليكم يارب

بس حابه اقول شي من خبرتي بالمستشفى واني عشت ايام المها معها بالامها وتعبها ثقو تماما ومن خلال تجربتي والان اسوي بحث ان النفسية لها دور اكبر

والارادة فعلا لها دور الي يقدر يشيل عمرة من القوقعه الي هو فيها ويعيش علا انه بعيش اليوم وبكرة لا صدقوني انه

راح يعرف قيمة حياته ويحمد الله علا الي اعطاه ويتعايش مع مرضه

المها الله يرحمها كانت اذا مبسوطه ومع اخوانها والكل حولها اقسم بالله شوفت عيني لاني كنت اتابع حالتها ان تقاريرها

ايجابية واذا نفسيتها احباط وهم وبس مجرد حست بالوحده والضيقه ان التقارير سلبية

والايمان بالله فوق كل شي ان يحط باله انه في اختبار وربي قريب منه وكل نغزة ابرة اجر راح يكافح ويقول انه يبي الاجر وان يبي النجاح بس اذا سيطر عليه الشيطان لا والله ابد هو الخسران لا تقولون تعبت ومليت من مرضي لا بالله قولوا الله يثبتنا علا الي حنا فيه
والله مو انا دكتورة اقولكم لا الطب ينفع ولا شي هو سبب فقط الي لازم تعرفونه ان ربي هو الي ارحم من اي احد

بس انقوي ايمانا بالله الله يديم عليكم يارب ومشكورين ولاخت وطن وقلب الياسمين وجوري المسؤلين على هالقسم

الي فعلا يخلي حياة للمريض والامل بس مجرد فضفضتكم لبعض ترا تريح مو بس انتوا الي يقرا ومافيه شي

يمكن بس هموم الدنيا هي الي تكدر عمره لا تبخلون علينا بكلمات تدعوا لللتفائل والامل والحياة حطوا في بالكم ان مايقراكم بس مريض الله يشفي الجميع لا ناس مهما كانت منصبها تستفيد منكم ومن كلماتك الرائعه
وانا اكبر دليل استفدت منكم وخلتوني بدون ماتعرفون اني اتجرا اكتب واعبر عن الي بداخلي واعبر اني اقول اني افتقدت المها ومشتاقتلها حيييل واني اشكركم لان هاذا اقل شي تحصلون عليه
الله يديم عليكم يارب
اعذروني علا الاطاله