مين سوت ليزك اوليزر او عندها خلفيه..بلييييز

أنا سويتها هذا الاسبوع في مغربي

بس أنا من جده .. ويختلف من دكتور لدكتور

مررره سهله ومهي متعبه ابد

بس يعطيك ممنوعات لازم ماتتعرضين لها

اي تفاصيل انا حاضره

الله يوفقك

هلا اختي ..عاااادي انا مسويتها من فتره بعيادات الحرس وكلفتني حول ال6000
والحمدلله ياربي بسيطه بس انتي لاتضيقين صدرك وتوكلي على الله ..حتى ماتتعب بس اول يوم ..تقريبا اللي يبيلك تنتبهين على عينك ..ولا تاخذ وقت وانصحك بعد في مركزالنخبه عند الدكتور وليد الطويرقي تكلف 7000 ماشاء الله الدكتور ممتاز ويمدحونه..توكلي على الله ولاتخافين..

هلا اختي

سمعت عنها وشفت كثير مسوينها بس بعدها لايقدرون يلبسون العدسات ولا كحل العين

ممكن اخواتي اعرف كيف تكون ؟؟ وش كثر الوقت الي يشتغل فيه الدكتور ؟؟؟؟ وهل استغني عن العدسات و النظاره ؟؟؟؟ والف شكر

هلا حبيبتي ... صراحه توكلي على الله :)

انا مسويه العمليه بداية الصيف هذا والحمدلله رب العالمين افتكيت من العدسات والنظارات

وسويتها بمستشفى الملك خالد التخصصي للعيون طبعاً لهم شروط إذا بتسوينها على ميزانية الدولة وهي تكونين فوق الـ20 ونظرك -6 بس الي عنده واسطه يقدر يسويها لو كان اقل :)

صحيح مواعيدهم استمرت لمدة سنه روحه ورجعه للرياض لاني مو من سكانها

لكن الحمدلله نجحت العملية والدكتور الي سواها لي اسمه قحطاني دكتور ملتزم ومحترم وشاااااااطر وواثق من نفسه الله يوفقه يارب

وبالنسبة للرهبه كلنا نخاف لا سمعنا بإسم عملية وشلون لو لبسونا البالطو واسدحونا على السرير

خخخخخخخخخخ اكيد بنروح ووووووووطي

بس ترا العملية كلها على بعضها نص ساعه بالتمام والكمال

لدرجة اقول للدكتور البس نظارة شمسية يقول لا مايحتاج انتي تحسين بآلم قلت يعني

احس النور يتعبني قال تبين تلبسين مافي مانع عادي بس قاللي نامي اربع ساعات عشان عينك ترتاح

وعطاني معها قطرات مرطبه للعين لين تسترجع العين رطوبتها بعد العملية

وحسيت إن عين ماكأن فيها آلم وعين ثانيه كأن فيها شعره تحكني ويوم سألته قال عادي جداً

وعطاني موعد بعد اسبوعين ورحتله قال بعطيك موعد بعد شهر إن شاءالله عشان نتأكد

صحيح أول اسبوعين احس بصداع ولابسه النظاره الشمسية ببيتنا لان احس الإضاءة والتلفزيون

يتعبوني ويخلوني اصدع بس عادي تعب اسبوعين ولا تعب العمر كله مع هالنظارات والعدسات

وبالنسبة للكحل سألته احط كحل هذا اول ماسويت العملية قال ايه عادي وشفيك خايفه

بس خفت احط خبرك ذي عين ماهيب لعبه ولا حطيت لمدة شهر بالتممممممممممممام يقالك ترتاح بعد العمليه

والحمدلله رب العالمين اموري طيبه وخوياتي نفس الشي جلسوا شهر من غير كحل وبعدها عادي

كحل ومسكارا وعدسات وشغل عدل مدل خخخخخخخخخخ

بالتوفيق انتي بس توكلي وشوفيلك دكتور طيب وابتعدي عن المغربي تو وحده تقولي سالفة خطأ

بهالمستشفى خلت الرجال مايقدر يشوف الي جنبه وجاه فشل كلوي من العمليه مدري وش العبوا فيه

فـ نصيحة شوفي الحبيب مررررررررره ممتاز او الكحال عندنا بالشرقية عيادات عبدالله الرشود

او دامك بالرياض جربي عن طريق مستشفى الملك خالد التخصصي للعيون

ترا الدكاتره الي عندهم كفاءات :)

اووووف تعبت من الشرح <--- ماخليتي شي ماكتبتيه هههههههههه يالله دعواتك اختي :)