good taste برضعها طبيعي بس حليبي مايكفي وصح الطبيعي افضل بس ايش اسوي

هلا كتكوته جده
البيبلاك صويا ممتاز بس مالقاه الافي الصيدليات الكبار00000واول مااعطيه شي فيه حليب لازم تطلع له حبوب وجفاف في جسمه واحط له كريمات 000بس صرت احرص ابعد عن الحليب البقري
لاتنسين وانتي راجعه في الطياره تدعين لبنتك و ولدي ان الله يشفهم 00وانتي عارفه دعوة المسافر مستجابه

انا ولدي في بداية الشهر الرابع جاته الاكزيما اعطاني الدكتور كريمات واحد علاج لمدة خمسة ايام فقط لان به كرتزون(انتبهوا ترى هادي الكريمات لازم تستعمل بحدر لانه تأثر على نمو الاطفال)وكريم مرطب استعمله على طول وما جبلي سيرة الحليب بالمره المهم تحسن كثير بمجرد استخدامي للكريم الأول بس بمجرد ما وقفته رجع لنفس الوضع الأول يعني هرش شديد وحمره خاصة في الخدود ومن دكتور لدكتور ونفس الشي لاجديد الى ان قرات في النت عن تغيير الحليب كلمت الكتور قلي اعطيه حليب اس26 اتش ايه خاص بالحساسيه وفعلا غيرت الحليب وتحسن الوضع تحسن بسيط ورجعت لطبيب جلديه اعطاني نقط اسمها فانستيل قلي اعطيه ثلاث مرات في اليوم وكريم فانستيل ادهنيه عند الضروره القصوى وفعلا اعطيته وتحسن الوضع بس كمان مو ميه ميه الى ان اكمل العشرة اشهر
وفجأة دهبت الاكزيما بدون رجعه ان شاء الله وأوقفت كل العلاجات بس استمر على نفس الحليب الى ان أكمل العام واعطيته حليب بروجرس وهو الأن بخير والحمدلله وبالنسبه للأكل مابديت أأكله الابعد الستة اشهر (سيريلاك ارز-موز-تفاح مسلوق-بطاطس جزر كوسه)والان بدا ياخد الزبادي بالعسل والارز والخبز والبيض بس بالتدريج وسلامتكم
لاتنسون تحافظون على اظافرهم بالقص
وعلى فكره غسلوا ملابس اطفالكم بصابون الوزير -عشان لاحظت ان المساحيق العاديه تزيد الحساسيه في جسم ولدي وكمان صابون الاستحمام اشتروا شي خاص بالحساسيه زي سيبا ميد
انا اول يوم شفت الاكزيما في جسم ولدي بعد ما حممته واستعملت منتجات بيبي جونسون صابون وشامبو وزيت قبت فيه مند تلك اللحظه فتجنبتها بعد دلك تماما.

ساعة ألماس مشكورة وبإذن الله بدعيلهم بالشفاء الله يشفيهم ويريحنا من ذي الحوسة

lololo
مشكورة عالرد وصحيح الدكتور قالي لازم استخدملها صابون خاص بالبشرة الحساسة واعطاني كريم الكيرتوزون لمدة 5 ايام وكريم مرطب بس هذا دايما بدل اللوشن وامي قالتلي على صابون الوزير اني لازم اغسل ملابسها بيه بس للأسف غير متوفر في امريكا انشالله راح اجيب من السعودية وانا راجعة