صفار بيض في الرضاعه !!!

السلام عليكم ورحمه الله وبركاته



حدخل سيدا في الموضوع ..

أنا قريت من كم يوم وحده كاتبه انها تعطي ولدها أو بنتها ..المهم انها تعطيه صفار بيض في الرضاعه عشان يسمن :08: وانه نفع مع ولدها الكبير..

أولا أحب انبه ان طفلها الكبير مو شرط يكون سبب زيادة وزنه صفار البيض .. ممكن تكون في عوامل ثانيه

ثانيا: أكيد في طرق أكثر أمناً من صفار البيض لزيادة السمنه

ثالثاً : أنا اشوف اذا كانت صحة الطفل جيده هذا كافي سواء نحيف ولا لأ..


رابعا وهو الأهم::

أن صفار البيض الني ممكن يسبب:


1) تسمم غذائي قولولي كيــــف ..أنا أقولكم لان البيضه لمن تكسريها ، محتواها (يعني اللي جوا البيضه) رح يلمس القشره اللي تكون ماهي نضيفه ( حتى لو غسلتها مارح تكون نظيفه 100% لأن سطح القشره غير أملس ) ونتيجة التلامس هذا أي تلوث حيكون في القشره رح ينتقل للصفار والبياض..

2) البيض الني ممكن يحتوي على بعض المواد اللي تعيق الاستفاده من بعض العناصر الغذائية (جبتها لكم نصا من المصدر) ههه
بمعنى أن البيض الني فيه مواد تمنع الاستفاده من العناصر الغذائيه الموجوده في البيض وغيره من الأكل اللي يتناوله الانسان في نفس الوقت .. يعني بالعربي يصير الأكل بدون فائده غذائيه..

طبعاً هالكلام ماجبته من راسي أنا درست ماده أساسيات علوم الغذاء والتغذيه وهذا اللي أخذناه عن صفار البيض حبيت أنقله لكم .. واللي أشوفها بعد كذا كاتبه (( صفار البيض الني للتسمين)) رح اسويبها كذا :024: خخخخخ


وسلامتكم