السلام عليكم ورحمة الله وبركاته
يسعدلي مساكم / صباحكم
كل وحده متزوجه او مقبله على الزواج تكتب لنا سواء كانت ( نصيحه / موقف / قصه ) اي شي بس تعطينا من خبرتها هي ومن مواقفها شخصيا ..خاصه وقت شهر العسل وش اللي تمنت ماتسويه وتمنت انها سوته >> يارب فهمتو وش اقصد هههههه
يلاااااااااااااااااااااااااااااااااا انطلقووو لبى قلوبكممم :p:32:
يلزم عليك تسجيل الدخول أولًا لكتابة تعليق.
الحلا كلــــه1
•
انــــــــــــا مقبلة على الزواج وانتظر ردود المتزوجــــــــــــــــــــات
زهرة جدة
•
اولا اقول الله يسعد كل عروسه ويرزق البنوتات عاجلا غير آجل
نصيحتي للدبش
لاتكثري عفش كانك بتهاجري اشتري كل الي نفسك فيه بحدود
بالاخص العطور ترى جتني هدايا لدرجة تمنيت ماشتريت ولا عطر
نصيحتي يوم الفرح
ياعروستنا الجميله
اهدئي في يوم فرحك قد ماتقدري لاتسيبي نفسك لتوتر والهواجس والاوهام
كل شي بادن الله بيمشي زي ماخططتي له واحسن ولو حصل وشي اتلخبط لاتعفسي عمرك بكا
ولاتشيلي نفسك هموم مالها داعي
قد ماتقدري خذي نفس عميق سبحي واستغفري وحصني نفسك
لاتعكنني على نفسك ليلة عمرك
هذي اسعد اللحظات يوم فرحتك وزفنك
الموسيقى احذفيها من قاموسك سواء في الفرح او الزفه بعض البنات يكون فرحها اسلامي ووقت الزفه تخربها
طبعا تفلسف عليكم وانا من جمبها تمنيت اني ماكنت متوتره هاوشت كل خواتي بس بعدين الحمدلله مانزفيت الا وانا مبتسمه وتركت الشر هههه
احلى شي الصالون الي اخترته مافيه زحمه مع ان شغلهم روعه لكن كنت العروسه الوحيده عندهم دخلت القاعه عشره تقريبا
صح شنطة الفندق عبيتها ملابس ولا لبستها اشياء اصلا مالها داعي
لو اقولكم حتى السشوار ماسشورت استحيت اسشور قدامه ووقت الصلاه يخرج للمسجد ويرجع بسرعه مايمديني يادوب المكياج
نصيحتي فيما بعد الفرح
خلي تعاملك رقيق مع الي حواليك امه واخواته واهله وجماعته
ابتسمي وخليكي بشوشه ولطيفه وكلماتك مهذبه انتي سفييرة اهلك عندهم
مو اهل زوجك يعني اعدائك هذولا اهله وناسه مايرضى عليهم الكلمه وحلو علاقتك فيهم تكون شبه رسميه حتى تفهمي طبايعهم حتى لو فهمتيهم الحواجز البسيطه حلوه
الصفحة الأخيرة