اجلسي مع نفسك وراجعي اسلوبك وتصرفاتك مع الناس

يعني حصل موقف وقالوا لك مريضه نفسياً ليش ؟ وش هو الموقف ؟ وهل انتي صح او غلط ؟


وحطي نفسك مكانهم هل لو شخص عمل معك نفس الموقف بيكون ردك مثل ردهم او لا ؟

احياناً تطلع منا ردود فعل وتصرفات ماندرك انها سلبيه تضرنا وتضر غيرنا فالافضل انك تراجعين نفسك

واذا كانت مشكلتك فقط لان كلامك قليل وهاديه ما اشوف ان هذي مشكله بحد ذاتها اذا انتي راضيه عن نفسك وعاجبك طبعك الهادي

لكن المشكله الحقيقيه في قلة ثقتك بنفسك وعدم شعورك بالرضى والقناعه عن نفسك

لدرجة كلمه تقال عنك مثل مريضه نفسيه وحيده ... الخ تاخذينها بمحمل الجد وتخرب عليك مزاجك وتضايقك هذا معناه انه عندك مشكله فعلاً مع نفسك ومع اسلوبك واطباعك وغير راضيه تماماً ويمكن ودك تكونين مثل اللي حواليك منفتحات اجتماعياً

نصيحه اذا حابه تكونين اجتماعيه وعندك صداقات غيري من نفسك واسلوبك وطريقة تعاملك مع الناس يعني افتحي لهم مجال ياخذون ويعطون

لان ماراح يتغير شي بحياتك وانتي حاطه يدك على خدك وتندبين حظك وتزعلين من كلام فلانه اللي يضايقك

واذا عاجبك وضعك طنشي ليش مهتمه بالكلام ؟!

اغلبنا اذا مو كلنا هنا سمعنا كلام مثل السم ويمكن بعضنا جاهم طعن بشرفهم واخلاقهم وانجرحوا في اشياء كبيره لكن ثقتهم بنفسهم قويه ويعرفون كيف يتصرفون ويوقفون كل شخص عند حده

الله يشرح صدرك وييسر امرك

الله يصلح حالك

هذا مو مرض نفسي انتي شخصيتك كذا قليلة كلام و ثقيله واللي ينتقصك هدا قوليله عاجبك والا منت مجبر تقعد او تهرج معي لا تخلين كلام الناس يأثر فيك ياما سمعنا بس ندخل من اذن ونطلع من الثانيه اعرف نفسي ليش اتأثر بكلام الناس! في ناس غيوره حسوده حقوده تحب تنكد ع غيرها لا تعطينهم فرصه واذا انتي اطباعك مو عاجبتك حاولي تغيرين من نفسك شوي شوي تدخلين فالمود

الله يفرجها لك ولي ولكل مسلم يارب

لا تطبعي هااكلمات في عقلك
بتصير حقيقه وبتصيري مريضه نفسيه جد
ثقي بنفسك أكثر
إذا في صفات سيئه تخلصي منها عشان نفسك ورضى ربك
وترى الكثير من الناس يطلق لقب ( المريض النفسي ) لكل شخص مختلف عن اللي متعود عليهم او مو عاجبه تصرفه
غيري في نفسك لنفسك
أسأل الله ان ييسر لك أمرك ويفرج همك