السلام عليكم ورحمة الله وبركاته
خواتي الغاليات اللي سجلتن ضمن الدفعة الأولى للتونيك والشامبو الفرنسي
وهيبة
سود الأعيان
بنفسج2006
نـــواره
*الجوهرة*
4lay
( سكر زيادة )
أبشركن وأبشر عمريه .. الشحنة وصلت والحمدلله وموجودة في البريد
إن شاء الله بستلمها اليوم وبتفق وياكن عشان الدفع والتوصيل
وعقبال وصول الشحنة رقم (2) للخوات اللي سجلن ضمن الدفعة الثانية
واللي إن شاء الله بتحتوي على 46 تونيك + شامبو
وبالنسبة للخوات اللي بيجربنه من الدفعة الأولى
الرجاء كل وحدة فيكن تكتب تجربتها
بس ضروري اتبعن طريقة الاستخدام
مب وحدة فيكن ما تستخدمه عدل وعقب تقول ما استفدت
لكن إن شاء الله كلنا نستفيد ياااا رب
حبيت أفيدكن بشي
الأخت بدرية1 وضحت أنه طريقة الاستخدام 3 مرات في الأسبوع
فقالت ليه أنه ممكن تستخدمن التونيك + الشامبو يوم هيه ويوم لا
وبعد مافي مانع من استخدام زيوت الشعر
يعني لا تخافن وتوكلن على الله
وإن شاء الله براسلكن ع الخاص قريب
الحمدلله استلمت الشحنة ووزعت الطلبيات حسب إمارات الدولة وإن شاء الله بتستلمن قريب
بس بصراحة حبيت أشكر الأخت الغالية بدرية1
عدا عن ذوقها وأخلاقها الراقية ومعاملتها الطيبة
الأغراض مغلفة بطريقة نظيفة وااايد ومرتبة
والتونيك ويا الشامبو بصراحة اتوقعت أحجامهن أصغر عن جيه
ماشاء الله العلب كباااار وخواتي يوم بتستلمن طلبياتكن إن شاء الله بتلاحظن هالشي
بالنسبة لي
حبيت أشكرها على المنتجات الثانية اللي طرشتها لي بالإضافة إلى التونيك والشامبو
طرشت ليه زيت سواني وزيت ثاني للشعر وتونيك صيني
وبعد كريم لتطرية الأماكن الجافة في الجسم ولتطرية الشفايف
وطرشت تونيك وخلطة لمعالجة حب الشباب والقضاء عليه
وعطيته لختيه الصغيرة تجربه وطبعاً بخبركن بالنتيجة أكيد
وإن شاء الله أنا بجرب كل منتجاتها الحلوة بالإضافة إلى التونيك والشامبو
وبخبركن بالنتايج الحلوة إن شاء الله
وخواتي شرات ما قلت لكن
إذا بغيتن تستخدمن أي زيت للشعر عادي
تراكن بتستخدمن التونيك والشامبو يوم هيه ويوم لا
واليوم اللي ما بتستخدمن التونيك فيه ادهنن شعوركن لو بغيتن
لكن الأخت بدرية1 قالت أنه التونيك يكثف الشعر ويوقف التقصف ويعطي الشعر لمعة حلوة
ويالله إن شاء الله كلنا نشوف النتايج الحلوة يا رب