حفلة نجاح للبنات تحولت الى مهزله ؟؟

الملتقى العام

السلام عليكم يابنات

اول شيء ارجوا من المشرفات التكرم بعدم حذف الموضوع لأني اللي راح اتكلم عنه شيء يخص بنات ديرتي وبما انه موضوع حساس لازم الكل يقرا وينتبه لهذا الشيء اللي يصير واحنا في غفله الله يستر علينا وعلى بنات المسلمين

للأسف جتني دعوة من احدى قريباتي لحضور حفلة نجاح اوتخرج شامل لطالبات الثانوي في احدى مخيمات الجبيل الصناعيه وياليتني لم اقبل دعوتها البنت مؤدبه وخلوقه هي وصديقاتها لكن اللي شاهدته شيء يشيب له الراس بنات مسترجلات لدرجة انه يطلق عليهم اسماء رجال وكأن الشيء هذا عادي هذا غير اللبس اللي اشوفه من فئه ثانيه من البنات عاري بشكل فضيع والرقص اللي يشمئز منه الانسان السوي والله يابنات اعذروني ماني قادره اجمع الكلام من هول ماشفت انا قاعده انقل لكم الاحداث والله كما هي بدون مبالغه تخيلوا بنات يتلزقون في بعض عينك عينك مافيه حيا وغير كذا البنات يتمايلون ويرقصون على الديجيه في الظلام يطفون الانوار ويشغلون الكبس اللي بالالوان كأن الواحد في مرقص والعياذ بالله

لدرجة ان البنت قريبتي ياحرام قالت لي ترى الاشكال هذي كثروا في المدراس ياليت الدعوة اعجاب وبس صار عشق وغراميات وهي تتكلم لي وانا في ذهول ماني مستوعبه اللي يصير لدرجة اني طلعت ما قدرت اتحمل المهزله هذي
وهي نفس الطريقه حست انها مالها مكان في الوسط هذا وانقذت نفسها وطلعت من الحفل والله سوت عين العقل

طبعا كلامي هذا يابنات لايحمل على الكل انا تكلمت عن فئه معينه منهم ولايزال الباقي منهم فيه خير ان شاء الله

وطبعا الخير والشر في كل مكان انا اجزم بأن الظاهره هذي زي ما وصلت للمدن وصلت للقرى يعني تفشت بين شبابنا وبناتنا نسأل الله لهم الستر والهدايه

لكن اللي يشغل تفكيري لحظة الذهول اللي انا فيه هو الاهل اقول في نفسي وين اهلهم وين امهاتهم هل
يلاحظون على بناتهم شيء من التغيير في التصرفات والنفسيات ؟؟

انا اعطي رأيي الشخصي مع احترامي لآراء الاخرين اظن السبب الرئيسي في انحراف الابناء والبنات الاهل وانعدام توفر وسائل التربيه

كذالك الفضائيات اللي ماتركت شيء تعتبر مدرسه للفساد

انعزال البنت عن امها وغموضها يخلق فجوة بينهم ما تستطيع البنت تبوح لأمها عن اسرارها ومشاكلها

انفصال الوالدين وتفكك الاسره


كذالك التقليد الاعمى

والاهم من هذا كله اللي هو ضعف الوازع الديني وبعد الانسان عن ربه

وفي النهايه اسفه على الاطاله مع اني حاسه اني ما الممت بالموضوع ككل وياليت اللي عندها اي فائده اوحل لمثل هذي القضايا الاخلاقيه اللي تفشت في مجتمعنا بشكل ملحوظ وللاسف صار عند البعض مألوف انها تدخل وتفيدنا

وجزاكم الله خير الجزاء
9
898

يلزم عليك تسجيل الدخول أولًا لكتابة تعليق.

تسجيل دخول

MAHA *81
MAHA *81
يارب استرنا واستر بنات المسلمين دنيا واخره
احس ان كل ما تقدم فينا الزمن للاسف نشوف بلاوي
مسوية تسريحة
مسوية تسريحة
الظاهرهذي صارت منتشره بشكل كبير جدا
حتى الو جيتي تنصحينهم كانهم بيكلونك
والله اشكالهم تخوف اللهم عافينا
عايشه في الدنيا
اللهم اكفينا ولاتبلينا واهدي شباب المسلمين
نداتي
نداتي
الحمد لله الذي عافانا مما ابتلاهم.
الله يهديهم ويصلحهم
ماأجملهم لما ينصلحون ويهتدون ويتسترون ويبطلون الأغاني الي أساس كل شر .
الله يهديهم ويصلحهم..أمين ..
موج الشاطئ
موج الشاطئ
عن أبي هريرة رضي الله عنه أن رسول الله صلى الله عليه وسلم قال: ((لا تقوم الساعة حتى يمر الرجل بقبر الرجل فيقول يا ليتني مكانه)) رواه البخاري.