زوجي اللي كنت خايفة عليه من السيول اللحين مقهورة منه

السلام عليكم ورحمة الله وبركاته

بنات اول مرة انزل مشكلة لي من زوجي المصون لأني مقهورة منه موب عارفة كيف اتصرررف >> القولون ضارب

شوفو امي اللخ يحفظها اول مرة تسوي لها مشروع وهو تعمل معجنات وتبيعها المهم امي ماتبي احد يعرف انه هي اللي تشتغل تبي تبيع ومحد يدري تستحي من كلام الناس هو شئ عادي بس هي كذا ماتبي احد يدري

المهم زوجي البطل راح قال لأمه عن امي انها تسوي معجنات وتبيعها تخيلو بالله مو عيب عليه المشكلة اني محذرته مايتكلم وامي بعد قالت له يابو فلان ماابي احد يدري واعطته البروشرات وقالت له وزعها

ابنات امي طلعت شريحة جديدة حقت الشغل تقول عشان لا تنفضح هههه والله لو تدري لا تزعل

مسكينه والله انها تسوي الشغل بنفسها ولا تحب الخدامة تساعدها واذا جيت عندها ساعدتها باللي اقدر عليه

وهذا بكل بساطة يروح يفضح انا اخاف اقول لها اكسر خاطرها واقهرها

لما واجهته قال انا ماادري انكم تقصدون امي انا عبالي الناس الثانية مدري يستهبل ولا وش بالضبط رفع ضغطي وربي رفع ضغطي احر ماعندي ابرد ماعنده

في الاخير لما شافني زعلانة ومادة البوز قال خلاص انا بقول لامي ان عمتي بطلت شغل بالله وش رايكم

وامي ياحرام مجهزة العلب حق اهل زوجي تبيهم يذوقون شغلها واذا عجبهم يشترون بس انا بقول لهم من وحدة

هذا اتفاقنا والبطل خرب علينا الشغل

واليوم اتصلت على ام زوجي بقولها انه ابي جمعية وابي استلم اول وحدة قالت ليش عندك مشرووووع ااااخ يالقهر
اللحين كيف اتصرف والله من القهر اليوم كنت بتصل على امي واقولها كل شئ عشان تزعل عليه بس هونت وقلت خليني استشيركم

اللي ابيه اش اقول لأم زوجي عشان ماتعرف انه الشغل حق امي وكيف اتصرف

بنات اللي مافهمتني تقولي عشان افهمها بالمختصر ادري الكلام ملخبط وحايس لأن البطل جنبي وحاسة بكهربا من القهر