تنكة سمسم :

بتول ..غصن البان ..امة الله ..وباقي بنات حواء الله يخليهم لي... والله يامر علي يوم جعلكم ماتشوفونه هو طفش هو قرف هو..............؟؟ المهم اليكم الاخبار بالتفصيل والخياطه والتطريز.....هاهاهاهاها وحده تستهبل مو من قليل من الي شفته ... المهم اختارو الشباب انهم يزرطون الارانب غدا .. قمت الصباح وانا نفسي ابراس خشمي مالي خلق ولما طلعت الارانب مدري القطاوه من الثلاجه وبعد ماذاب الثلج وطلعتها من الكيس الا نصها دم والله ياعليها ريحة دم كانه دم انسان وشكله مقرررررررررررررررف والله ان تقولون قطوه وكلش ولا رجلينه صحيح ان الارنب مصلوخ الا الرجلين مادري وراهم ياما للعجز ماصلوخوها ولا قطعوها... المهم كلمت زوجي وانا نفسي حايمه وبراس خشمي وقلتله بمجرد مارد علي قلتله تعال وخذ هالارانب وصرفهن ماعندي استعداد اطبخهم الي هذا اوله ينعاف تاليه ودها مطعم اطبخوها انتم والا تاكلونها نيه مالي دخل فيكم تدرون وش رد قالي وبكل برود< يالله ابسرعه خلص كل شي ابوقته لا تتاخر > على باله يكلم رجال لانه كان بالدوام .... بعدين سكرت الجوال وانا يائسه وقرفانه قمت وسلقت اقطاوتهم بمويه وملح عشان تروح ريحة الزفره 5 دقايق.... ارنب تبلته وحطيته ابصينيه على الخضار وكتمتها ابقصدير ودخلتها الفرن .. الارنب الثاني والثالث حمست بصل وحطيت عليه ملح وبهارات وفلفل اسود .......الخ وبعده عزلت قطو قصدي ارنب مع مرق لحمهم لان البشوات مشتهين امرقت ارانب... والارنب الثاني طلعته وكنت قبل حامسه بصل وفلفل بارد وطماط وحطيت عليهم البهارات وتوابعه وخلطتهم مع الارنب ودخلته الفرن وشويته مدري حمرته ....بعدين اخذت من موية الارانب وكبست عليه رز وصلحت كشنه فوق الرز يحبها قلبك .. المهم ماجت حزت الغدا الا كل شي جاهز من اقطاوتهم اللحد السلطات والحلى... المهم زوجي طارت اعيونه يوم شاف السفره وخشته ماقدر ايسكرها من الوناسه .. قلتله لاتستعجل لاني اليوم امسويتكم حقل تجارب حتى الملح مادري عنه وماذقته ماقدرت ... المهم من يوم اقلطو وانا اسمع تعليقات واصوات بس مافهمت شي لاني بعيده عنهم ... جاني زوجي يقول: وتقولين مااعرف اطبخ ارانب هذا وانتي ماتعرفين اجل لو تعرفين وش بصير.. والله ان زملائي يقولون بعد هذي مانقدر نقول شي ... قلت لاتلعب علي انت وياهم ولا تعودهونها.. المره الثانيه ابحط لكم سم فيران ..... وهذي حكايتي مع الارانب ... عساني بس ما اوجعت روسكم .. ترا البندول اقريب دوروه بالثلاجه

بتول ..غصن البان ..امة الله ..وباقي بنات حواء الله يخليهم لي... والله يامر علي يوم جعلكم...