طريقتي في ضبط استواء الأرز00

اطباق عالم حواء

السلام عليكم

بدخل بموضوعي على طول واتمنى انه مايكون مكرر

دايم اقرا مواضيع ان الرز يطلع معجن

وان الي تطبخ نفسها يكون رزها مفلفل بس ماعرفت تضبط المويه


وطلع معجن معها

هذي الطريقه علمتني امي عليها واتوقع الاغلبيه تعرفها

وهي لما نجي نسوي الرز وبعد مانخلص طبخ الدجاجه او اللحم

اذا شلنا الدجاجه من القدر عشان نشويها طبعا نستخدم مرقتها للرز

اذا حطينا الرز على مرق الدجاج نجيب ملعقة اكل ونغرسها في القدر

اذا الملعقه ثبتت يعني صارت واقفه بالقدر معناها ان الرز بيطلع حب يعني نثري>> ( ا)

واذا الملعقه مالت شوي معناها ان الرز بيطله لين شوي>>>(1)

واذا الملعقه طاحت بالقدر يعني ما صارت واقفه كذا يطلع الرز معجن>>>(ـــ)

وطريقة وضع الملعقه هي ان الجزء الي ناكل فيه هو الي نغرسه بالقدر والجزء الي نمسك

فيه الملعقه هو الي يكون فوق000

اتمنى انكم فهمتو قصدي واي استفسار انا حاظره
40
4K

يلزم عليك تسجيل الدخول أولًا لكتابة تعليق.

تسجيل دخول

فراولة سويت
فراولة سويت
طرييييقة حلوة بجربها بغذا باجر


تسلمين اختي
اوراق الزمن !!
اوراق الزمن !!
فراوله سويت ياليت تخبريني عن النتائج وبالتوفيق ياااارب
الكون الرايق
الكون الرايق
مشكوره وفعلا هاذي طريقة الوالده ..
اوراق الزمن !!
اوراق الزمن !!
عبره على وجه الزمن

مشكوره حبيبتي ومثل ماقلت الاغلبيه تعرفها وتستخدمها لان نتايجها صحيحه
د مدوم
د مدوم
انا ورب الكعبه يا بنات لي 3 سنين متزوجه وكل يوم اطبخ ولسن الحين ما اعرف الرز كيف ينطبخ والله انه بالبركه مره مضبوط ومره حب ومره معجن ياتصيب يا تخيب((بجرب طريقتك ياربببببببببب تصلح))) والي تعرف كمان طرق ياليت تقول
وسؤال ثاني طيب المويه حقت الدجاج او الحم بتكون حااره اكب الرز جواها واحركه شوي ثم ادخل الملعقه واطلعها وخلاص مع احركه ابد؟؟؟؟؟؟
ولما اسوي الطريقه الاولى كيف وضع النار راح يكون اقصر عليه مررررررره على طول والا احط النار عاليه ولين تشرب المويه اقصر<==هذا الي فهمتني امي
ثالثا انتي كيف طريقة تنقيعك للرز كم الموده ؟؟؟وحراره المويه كيف؟؟؟
ومشكوررررررررررررررررررين وبتكسبون فيني خير وفي رجلي لان من جد مب معقول ما اعرف له لين الحين لو تقولين سوي مرقوق سويت بس رز اتوهق على طول:)اسفه على الاطاله