ودى أسويلى مشروع مليت من القعده

Srabeel

اختي العزيزة جميل جداا انكي تفكري الاستفادة من وقتك لدي عدة افكار قد تساعدك

1- اذا كان لديك الكمبيوتر في البيت وتجيديناستخدامه يمكنك اعداد بحوث للطلبه .
2- اذا كنتي تجيدين الطبخ وصنع الحلويات يمكنكي ان تبيعي بأسعار رمزية على الاقل في البداية لمعارفك واصدقائك واذا كنتي متمكنه يمكنكي ان تتعاقدي مع المخابز او المطاعم هذا اذا كنتي تفكري في توسعة نشاطك
3- اذا كنتي تجيدين الخياطة يمكنكي ان تستفيدي منها ايضا وحتى اذا كنتي تعرفين الكروشية او حتى واذا كنتي متمكنه يمكني التعاقد مع احد المحلات .
4- يمكنكي ان تسافري لأحد البلدان وتجلبي بضاعة لتبيعيها في البيت

هذا ما يحضرني واذا تذكرت اي شيء سأكتبه لكي هنا
واتمنى ان تستفيدي والله يوفقك

السوسن
:26:

جزاج الله خير صراحه أفكار حلوه وسهله

وإنشاء الله الخوات ما يقصرون معاى بأفكارهم

انا بعد مثلك اسيل

بما انك في الكويت ممكن تناقش في هذا الموضوع ممكن نساعد بعض

شنو رايك ؟

انا بعد مثلكم بس ماني عارفه وش اسوي :29:

ياااااااااااااااااااااه
انا ودي بعد والله..وكان فيه موضوع مثبت ..اسمه طرق للكسب المادي لربات البيوت..
لكن للاسف ماعمري سويت بحث في اي شي في المنتدى وطلع لي نتائج!!! داااايم يقول: لايوجد:(
عموما
انت ضربت على الوتر ..
وانا يوميا اشيك على النت ابي شي يعطيني فكره ..
عندي راس مال بسيط...وافكر اسوي فيه شيس..
بس تصدقين؟؟
كل ماطحت على فكره...
طلع لها شي يكنسلها:(
اطبخ؟؟
احس انه فشيله والناس بتتكلم عني وتقول تبيع؟؟!!!!!!!!!
اجيب بضايع؟؟
نفس الشي:(
بيقولون شفيها افتقرت؟؟
لاتقولين عادي ...
ترا في ناس ماعندهم الا الكلام ومجتمعنا مايرحم..
ودي بشي اسويه يحفظ كرامتي ...وبنفس الوقت اربح منه..
الاخت اللي قالت اتعاقد مع مطعم..
عجبتني فكرته..
بس هل المطعم يقبل؟
فكرت اجيب شغالات وااجرهم...
بس المكان + المشاكل+ + + + كلام الناس:(
سواقين اججرهم؟؟
نفس الشي..
والله مو عارفه..
ودي فعلا اسوي شي..
بس دلوني..