فكرة مشروع علي وراس المال والتفعيل عليكم عاد انا ابي دعوه بس

:icon28: :icon28:
وااوك اشم ريحة دراهم ماشاء الله الله يزيدكم من نعيمه :)
انا عندي فكره بس للاسف شاطره بالافكار اللي تلطش مني ويسونها العالم ويربحون وانا اتفرج :(
قلت خواتي في حواء اولىىى
شوفو حبيباتي الحمد لله الوعي الديني كبير جدا عندنا ولله الحمد ... والدنيا بخير وعلى ها الاساس جت ببالي فكرة مشروع ... وصدقوني ما افكر بشي سبحان الله الا وبيطلع شي حلوو ...

المشروع : مشغل نسائي اسلامي
فكرة المشغل خدمة زبائنه من تخييط ملابس وفساتين وكوافير ومكياج و و و بس بنطاق خدمات اسلاميه ومباااحه ... وراح يكون الاقبال باذن الله اقبال كبير لاسباب اذكر منها
1- يشرح فكرة المشغل الاسلامي لعدد من المشايخ الكرام لنحصل على مباركته ونسخه من فتواه عن اعمال المشغل وتقوم صاحبة المشغل بالصاق الفتاوى ومباركاة ودعاء المشايخ للمشغل امام الملأ من السيدات ...
2- سبحان الله فيه وعي كبير لكثير من بناتنا الحمد لله راح تدخل الزبونه وهي مرتاااحه ان جميع الخدمات اسلاميه مباحه ... وراح تنشر الشي هذا على قريباتها وصديقاتها :)
3- مراعاة .... اليوني فورم للعاملات والكوافيرات ... واقترح يكون لبس اسلامي وحجاب يعطي انطباع جدا مريح للعاملات ...
4- وجود مجلات اسلايه واشرطه هديا المشغل ...
5- اذا صار فيه عزوف للبنات طالبات النمص والملابس العاريه و و و تأكدو ان ما نسبته 50% هي من الشريحه الثانيه اللي تحب تتزين وتلبس لبس انيق لمناسباتها وتتزين لزوجها وهي مرتااااااااااحه من الفتاوى عن نشاطات المشغل ..

ملاحظات مهمه

- فكرة المشغل جديده نوعا ما وليست منتشره
- ما اجمل ان تبدأي بمشروع تضعين مرضاة الله نصب اعينك ... وابشري بالتوفيق
- عند استقدام خبيرات التجميل .... يشرح لها في البداية نشاط المشروع وممنوعاته ومباحاته ... وضرورة ان تكون مسلمه ..... تقرا شروط العقد وهي بديرتها تجي على بينه وراح تتحمس ااكد لكم نظرا لانه يخاطب شريحه كبيييره امتنعت عن المشاغل من خشية الله لا تدخل بمحظور شرعي وهي ما تعرف اما الان تدخل قريرة العين :)


اقتراحاتي لمسمى المشروع

(( مشغل خضر و استبرق الاسلامي ))
(( مشغل تجملي الاسلامي ))
(( مشغل اساور من فضه الاسلامي))

وغيرها الكثير .. :)


ملاحظه اهم : المشروع يبي له صبر واحتساب ويكفي ان ما فيه خسارة .. وان جت خسارة دنيويه مادية .. تاكدي انها فوز في صفحة اعمالك يوم القيامه :)

اختكم ام فهد